قازاقستاندىق ساقتاندىرۋ كومپانييالارىنىڭ بٸرٸ شري-لانكا پرەمەر-مينيسترٸنە تيەسٸلٸ Mercedes-Benz S 600 ماركالى ەكٸ اۆتوكٶلٸكتٸ ساقتاندىرۋ مٸندەتتەمەسٸن موينىنا الدى, دەپ حابارلايدى قازاقپارات ەلوردا ينفو پورتالىنا سٸلتەمە جاساپ.
«كٶلٸكتەردٸڭ قۇنىنان بٶلەك ونىڭ ەرەكشەلٸگٸ - اۆتوماشينانىڭ يەسٸ تاپ بولۋى مٷمكٸن بارلىق قاۋٸپ-قاتەرلەردەن ساقتاۋ قاجەتتٸگٸندە. وسىعان بايلانىستى ساقتاندىرۋ سوماسى ەربٸر كٶلٸك ٷشٸن 570 ملن.-عا جۋىق تەڭگەنٸ قۇرادى», - دەلٸنگەن كومپانييانىڭ تاراتقان حابارلاماسىندا.
«Mercedes-Benz S 600» - مەرسەدەستەردٸڭ التىنشى بۋىنى. ول كٶپتەگەن ەلەكترونيكالارمەن ٶتە ىڭعايلى ەتٸپ جاسالعان. كٶلٸكتە كەنەتتەن تۋىنداعان كەدەرگٸ الدىندا شۇعىل توقتاۋ جٷيەسٸ بار. سونداي-اق ٷش ەسە ٷلكەيتٸپ كٶرسەتەتٸن ناۆيگاتسييا, جولدى لازەرمەن سكانەرلەپ, ونىڭ بەدەرٸنە ىڭعايلاناتىن Magic Body Control جٷيەسٸ قامتىلعان. ورىندىقتار جولاۋشىعا بارىنشا جايلىلىقتى قامتاماسىز ەتەدٸ. ونىڭ ماسساج جاسايتىن فۋنكتسيياسىن ايفون ارقىلى باسقارۋعا بولادى. ال بەلدٸككە جولاۋشى سوقتىعىسۋ كەزٸندە ونىڭ استىنان سىرعىپ تٷسپەس ٷشٸن قاۋٸپسٸزدٸك جاستىقشاسى ورناتىلعان.
اتاپ ٶتٸلگەندەي, قازاقستاندىق ساقتاندىرۋ كومپانيياسىندا بۇعان دەيٸن فرانكفۋرت اۆتوسالونىندا ۇسىنىلعان Ferrari 458 Italia, برۋنەي مەملەكەتٸنٸڭ حانزاداسىنا تيەسٸلٸ LaFerrari, ٷندٸ اكتريساسى جەنە 2000 جىلعى ەلەم ارۋىنىڭ Rolls-Royce Wraith كٶلٸگٸ ساقتاندىرىلعان.
