Jambyldyq politseiler «Qarý» jedel-aldyn alý sharasy barysynda shopannyń vagonynan esirtki, qarý-jaraq pen Qyzyl kitapqa engen janýardyń etin tapty, dep habarlaidy "Ult aqparat".
Moiynqum aýdanynyń qumǵa jaqyn mańdaǵy mal jaiylymy aýmaǵynda jedel-izdestirý sharasyn júrgizý barysynda qoishy bolyp jumys isteitin 34 jastaǵy jergilikti turǵynnyń shaǵyn vagonynan jalpy salmaǵy 1 keli 310 gramm keptirilgen marihýana tabylyp, tárkilendi.
«Tekseris barysynda vagonnan tirkelmegen 5 ańshy myltyǵy, 56 ańshylyq patron, sondai-aq el aýmaǵynda aýlaýǵa tyiym salynǵan qaraquiryq janýarynyń eti men basy tabyldy. Atalǵan derekke qatysty QR QK 296-baby 4-bóliginiń (asa iri mólsherde esirtki zattaryn zańsyz saqtaý) jáne QR QK 337-baby 4-bóliginiń (zańsyz ań aýlaý) boiynsha sotqa deiingi tergeý amaldary bastaldy», - dedi oblystyq Politsiia departamentiniń baspasóz qyzmetinen.
Qazirgi tańda ustalǵan azamat óz kinásin tolyq moiyndaǵan. Aita keteiik, zańda esirtki quraldaryn asa iri mólsherde zańsyz saqtaǵany úshin 3 jylǵa deiin, zańsyz ań aýlaǵany úshin 3 jyldan 7 jylǵa deiin bas bostandyǵynan aiyrý jazasy kózdelgen.
