جامبىلدىق پوليتسەيلەر «قارۋ» جەدەل-الدىن الۋ شاراسى بارىسىندا شوپاننىڭ ۆاگونىنان ەسٸرتكٸ, قارۋ-جاراق پەن قىزىل كٸتاپقا ەنگەن جانۋاردىڭ ەتٸن تاپتى, دەپ حابارلايدى "ۇلت اقپارات".
مويىنقۇم اۋدانىنىڭ قۇمعا جاقىن ماڭداعى مال جايىلىمى اۋماعىندا جەدەل-ٸزدەستٸرۋ شاراسىن جٷرگٸزۋ بارىسىندا قويشى بولىپ جۇمىس ٸستەيتٸن 34 جاستاعى جەرگٸلٸكتٸ تۇرعىننىڭ شاعىن ۆاگونىنان جالپى سالماعى 1 كەلٸ 310 گرامم كەپتٸرٸلگەن ماريحۋانا تابىلىپ, تەركٸلەندٸ.
«تەكسەرٸس بارىسىندا ۆاگوننان تٸركەلمەگەن 5 اڭشى مىلتىعى, 56 اڭشىلىق پاترون, سونداي-اق ەل اۋماعىندا اۋلاۋعا تىيىم سالىنعان قاراقۇيرىق جانۋارىنىڭ ەتٸ مەن باسى تابىلدى. اتالعان دەرەككە قاتىستى قر قك 296-بابى 4-بٶلٸگٸنٸڭ (اسا ٸرٸ مٶلشەردە ەسٸرتكٸ زاتتارىن زاڭسىز ساقتاۋ) جەنە قر قك 337-بابى 4-بٶلٸگٸنٸڭ (زاڭسىز اڭ اۋلاۋ) بويىنشا سوتقا دەيٸنگٸ تەرگەۋ امالدارى باستالدى», - دەدٸ وبلىستىق پوليتسييا دەپارتامەنتٸنٸڭ باسپاسٶز قىزمەتٸنەن.
قازٸرگٸ تاڭدا ۇستالعان ازامات ٶز كٸنەسٸن تولىق مويىنداعان. ايتا كەتەيٸك, زاڭدا ەسٸرتكٸ قۇرالدارىن اسا ٸرٸ مٶلشەردە زاڭسىز ساقتاعانى ٷشٸن 3 جىلعا دەيٸن, زاڭسىز اڭ اۋلاعانى ٷشٸن 3 جىلدان 7 جىلعا دەيٸن باس بوستاندىعىنان ايىرۋ جازاسى كٶزدەلگەن.
