ديماش قۇدايبەرگەننٸڭ گاسترولدٸك ساپار كەزٸندەگٸ كٶڭٸلدٸ سەتٸ جەلٸدە جارييالاندى. لاتىن امەريكاسىنا بەت العان ەنشٸ ۇشاقتا شىعارماشىلىقپەن اينالىسىپ وتىرعان دوستارىن كٶرسەتٸپ, ٶزٸ تۋرالى ەزٸل ايتتى, دەپ حابارلايدى ult.kz.

ۆيدەونى دومبىراشىلار تەمٸرلان مەن ەرنات ەلەۋمەتتٸك جەلٸدەگٸ پاراقشاسىندا بٶلٸسكەن. قوس ٶنەرپاز ۇزاق ساپاردا دا ۋاقىتىن بوس ٶتكٸزمەي, كٷي ورىنداپ, شىعارمالارىن جاڭاشا ٶڭدەۋگە كٸرٸسكەن. دومبىرا ەۋەنٸنە سىبىزعىنىڭ ٷنٸن قوسىپ, ٸزدەنٸستەرٸن جول ٷستٸندە جالعاستىرعان.

«گاسترولدٸك ساپارلار اراسىندا جول ٷستٸندەگٸ ەدەمٸ سەتتەرٸمٸزدٸ, ەرەكشە كٶڭٸل كٷيٸمٸزدٸ سٸزدەرگە كٶرسەتكٸمٸز كەلەدٸ. كەيدە ەڭ قىزىقتى ەرٸ ۇمىتىلماس سەتتەر دەل وسىنداي ساپارلار اراسىندا ٶتەدٸ. الدىمىزدا – لاتىن امەريكاسى», – دەپ جازدى ولار.

دوستارىنىڭ جۇمىسىن باقىلاپ وتىرعان ديماش قولىنداعى كەسەسٸن كٶرسەتٸپ: «مەنٸڭ جۇمىسىم – شاي ٸشٸپ بەرۋ», – دەپ قالجىڭدادى. كەيٸن ولاردىڭ ورىنداۋىنداعى كٷيدٸ تىڭداپ, قول سوعىپ, قوشەمەت بٸلدٸردٸ.

ايتا كەتەيٸك, تەمٸرلان مەن ەرنات بۇعان دەيٸن ديماشتىڭ مادريدتەگٸ كونتسەرتٸندە كٷي ورىنداپ, يسپان كٶرەرمەندەرٸنٸڭ ىقىلاسىنا بٶلەنگەن ەدٸ.

ايتا كەتەيٸك, تٷركٸ ەلدەرٸنٸڭ باسشىلارى ديماش قۇدايبەرگەننٸڭ ٶنەرٸنە تەنتٸ بولدى.

ديماش قۇدايبەرگەن كٸم? 
 

ديماش قۇدايبەرگەن – قازاقستاندىق ەنشٸ, كومپوزيتور, قازاقستاننىڭ حالىق ەرتٸسٸ. تولىق اتى-جٶنٸ – دٸنمۇحاممەد قاناتۇلى قۇدايبەرگەن. ول 1994 جىلعى 24 مامىردا اقتٶبە قالاسىندا دٷنيەگە كەلگەن. 

ەنشٸلەر قانات جەنە سۆەتلانا ايتباەۆتاردىڭ وتباسىندا ٶسكەن ديماش بالا كەزٸنەن مۋزىكامەن اينالىسقان. اقتٶبەدەگٸ احمەت جۇبانوۆ اتىنداعى مۋزىكالىق كوللەدجدە اكادەمييالىق ەن ورىنداۋ ماماندىعىن مەڭگەرٸپ, كەيٸن قازاق ۇلتتىق ٶنەر ۋنيۆەرسيتەتٸندە بٸلٸم العان. 

2015 جىلى بەلارۋستەگٸ «سلاۆيان بازارى» حالىقارالىق بايقاۋىنىڭ گران-پري جٷلدەسٸن جەڭٸپ الدى. ال 2017 جىلى قىتايداعى Singer ەن بايقاۋىندا ەكٸنشٸ ورىن يەلەنٸپ, حالىقارالىق اۋديتوريياعا كەڭٸنەن تانىلدى. سودان بەرٸ قىتاي, اقش, فرانتسييا, ۇلىبريتانييا جەنە باسقا ەلدەردە جەكە كونتسەرتتەرٸن ٶتكٸزدٸ.