QR Bilim jáne ǵylym vitse-ministri Sholpan Karinova jańa «Álippeni» engizý men oqytý kezeńderi týraly aitty, dep habarlaidy QazAqparat.
«Álippe» Ahmet Baitursynulynyń ádistemesi negizinde daiyndalýda. Jumys tobyndaǵy barlyq ǵalymdar men muǵalimder tarapynan bul tolyq qoldaý tapty. Óitkeni bul júie oqýshylardyń bilimine qatysty naǵyz talaptardy qamtyp otyrǵandyǵy, onyń ishinde áripter men dybystardyń rettiligi eskerilip paidalanylǵany atalyp ótti», - dedi vitse-ministr Ortalyq kommýnikatsiialar qyzmetinde.
Onyń sózine qaraǵanda, «Álippeni» oqytýdyń úsh kezeńi qamtylǵan.
«Osy oraida «Álippege» deiingi kezeń, «Álippe» kezeń, sondai-aq «Álippeden» keiingi kezeń eskerilgen. Osynyń eki kezeńi «Álippe» oqýlyǵy arqyly iske asyrylady. Al keiingi kezeń mektepterde «Ana tili» oqýlyǵy boiynsha júrgiziledi», - dedi Sh. Karinova.
Bul turǵyda ol ata-analardyń eskertýleri qaralyp, qazirgi daiyndalyp jatqan oqýlyqta balanyń fizilogiialyq jas ereksheligi eskerilip jazylyp jatqanyn atap ótti.
«Álippe» kezeńi óte mańyzdy, onda árip, dybys pen býyndardy úiretý iske asyrylady. Bul kezeńge basa nazar aýdarylǵan. Odan keiin jeltoqsan aiynda «Álippemen» qoshtasý júrgiziletin, qazirgi printsip te osyǵan orai jasalady», - dedi vitse-ministr.
Budan buryn habarlanǵandai, «Álippeni» engizý 2021-2022 jylǵa josparlanǵan.
Biyl tamyz aiynda QR Bilim jáne ǵylym ministri Ashat Aimaǵambetov ózgeristiń aiasynda mektep baǵdarlamasyna sáikes, 1-synyptarǵa 1-2 toqsan «Álippe», 3-4 toqsan «Ana tili» engiziletinin aitqan edi.
