قر بٸلٸم جەنە عىلىم ۆيتسە-مينيسترٸ شولپان كارينوۆا جاڭا «ەلٸپپەنٸ» ەنگٸزۋ مەن وقىتۋ كەزەڭدەرٸ تۋرالى ايتتى, دەپ حابارلايدى قازاقپارات.
«ەلٸپپە» احمەت بايتۇرسىنۇلىنىڭ ەدٸستەمەسٸ نەگٸزٸندە دايىندالۋدا. جۇمىس توبىنداعى بارلىق عالىمدار مەن مۇعالٸمدەر تاراپىنان بۇل تولىق قولداۋ تاپتى. ٶيتكەنٸ بۇل جٷيە وقۋشىلاردىڭ بٸلٸمٸنە قاتىستى ناعىز تالاپتاردى قامتىپ وتىرعاندىعى, ونىڭ ٸشٸندە ەرٸپتەر مەن دىبىستاردىڭ رەتتٸلٸگٸ ەسكەرٸلٸپ پايدالانىلعانى اتالىپ ٶتتٸ», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندە.
ونىڭ سٶزٸنە قاراعاندا, «ەلٸپپەنٸ» وقىتۋدىڭ ٷش كەزەڭٸ قامتىلعان.
«وسى ورايدا «ەلٸپپەگە» دەيٸنگٸ كەزەڭ, «ەلٸپپە» كەزەڭ, سونداي-اق «ەلٸپپەدەن» كەيٸنگٸ كەزەڭ ەسكەرٸلگەن. وسىنىڭ ەكٸ كەزەڭٸ «ەلٸپپە» وقۋلىعى ارقىلى ٸسكە اسىرىلادى. ال كەيٸنگٸ كەزەڭ مەكتەپتەردە «انا تٸلٸ» وقۋلىعى بويىنشا جٷرگٸزٸلەدٸ», - دەدٸ ش. كارينوۆا.
بۇل تۇرعىدا ول اتا-انالاردىڭ ەسكەرتۋلەرٸ قارالىپ, قازٸرگٸ دايىندالىپ جاتقان وقۋلىقتا بالانىڭ فيزيلوگييالىق جاس ەرەكشەلٸگٸ ەسكەرٸلٸپ جازىلىپ جاتقانىن اتاپ ٶتتٸ.
«ەلٸپپە» كەزەڭٸ ٶتە ماڭىزدى, وندا ەرٸپ, دىبىس پەن بۋىنداردى ٷيرەتۋ ٸسكە اسىرىلادى. بۇل كەزەڭگە باسا نازار اۋدارىلعان. ودان كەيٸن جەلتوقسان ايىندا «ەلٸپپەمەن» قوشتاسۋ جٷرگٸزٸلەتٸن, قازٸرگٸ پرينتسيپ تە وسىعان وراي جاسالادى», - دەدٸ ۆيتسە-مينيستر.
بۇدان بۇرىن حابارلانعانداي, «ەلٸپپەنٸ» ەنگٸزۋ 2021-2022 جىلعا جوسپارلانعان.
بيىل تامىز ايىندا قر بٸلٸم جەنە عىلىم مينيسترٸ اسحات ايماعامبەتوۆ ٶزگەرٸستٸڭ اياسىندا مەكتەپ باعدارلاماسىنا سەيكەس, 1-سىنىپتارعا 1-2 توقسان «ەلٸپپە», 3-4 توقسان «انا تٸلٸ» ەنگٸزٸلەتٸنٸن ايتقان ەدٸ.
