Shyǵys Qazaqstan oblysynyń Kúrshim aýdanynda Topterek aýylynyń kópirin sý shaiyp ketti, dep habarlaidy QazAqparat tilshisi.
Tolassyz jaýyn men ózen deńgeiiniń kóterilýi saldarynan Topterek aýylyn aýdan ortalyǵymen bailanystyryp turǵan kópirdi sý shaiyp ketti. Tipti kópirden asqan sý eldi mekenge qaýip tóndirgen. Der kezinde qolǵa alynǵan sharalardyń arqasynda qaýiptiń beti qaitty. Alaida Topterek aýylynyń syrtpen bailanysy qiyndaǵan. Kópir búlingen tusta kishigirim jasandy ótkel uiymdastyryldy. Qazir jergilikti ákimdik ókilderi, Shyǵys óńirlik aeroutqyr qutqarý jasaǵy men tótenshe jaǵdai qyzmetkerleri turǵyndardy ózennen qaiyq arqyly ótkizýde. Negizgi jol aýyldan tórt shaqyrym jerde jatyr.
«Qaiyq arqyly tek shuǵyl qajettiligi bar adamdar ǵana tasymaldanýda. Qazirge deiin jasandy ótkeldiń kómegine 7 eresek adam men 3 bala júgingen. Aýdan boiynsha týálik boiy kezekshilik atqarylyp, monitoring júrgizilýde», - delingen ShQO Tótenshe jaǵdailar departamenti taratqan aqparatta.
