شىعىس قازاقستان وبلىسىنىڭ كٷرشٸم اۋدانىندا توپتەرەك اۋىلىنىڭ كٶپٸرٸن سۋ شايىپ كەتتٸ, دەپ حابارلايدى قازاقپارات تٸلشٸسٸ.
تولاسسىز جاۋىن مەن ٶزەن دەڭگەيٸنٸڭ كٶتەرٸلۋٸ سالدارىنان توپتەرەك اۋىلىن اۋدان ورتالىعىمەن بايلانىستىرىپ تۇرعان كٶپٸردٸ سۋ شايىپ كەتتٸ. تٸپتٸ كٶپٸردەن اسقان سۋ ەلدٸ مەكەنگە قاۋٸپ تٶندٸرگەن. دەر كەزٸندە قولعا الىنعان شارالاردىڭ ارقاسىندا قاۋٸپتٸڭ بەتٸ قايتتى. الايدا توپتەرەك اۋىلىنىڭ سىرتپەن بايلانىسى قيىنداعان. كٶپٸر بٷلٸنگەن تۇستا كٸشٸگٸرٸم جاساندى ٶتكەل ۇيىمداستىرىلدى. قازٸر جەرگٸلٸكتٸ ەكٸمدٸك ٶكٸلدەرٸ, شىعىس ٶڭٸرلٸك اەروۇتقىر قۇتقارۋ جاساعى مەن تٶتەنشە جاعداي قىزمەتكەرلەرٸ تۇرعىنداردى ٶزەننەن قايىق ارقىلى ٶتكٸزۋدە. نەگٸزگٸ جول اۋىلدان تٶرت شاقىرىم جەردە جاتىر.
«قايىق ارقىلى تەك شۇعىل قاجەتتٸلٸگٸ بار ادامدار عانا تاسىمالدانۋدا. قازٸرگە دەيٸن جاساندى ٶتكەلدٸڭ كٶمەگٸنە 7 ەرەسەك ادام مەن 3 بالا جٷگٸنگەن. اۋدان بويىنشا تۋەلٸك بويى كەزەكشٸلٸك اتقارىلىپ, مونيتورينگ جٷرگٸزٸلۋدە», - دەلٸنگەن شقو تٶتەنشە جاعدايلار دەپارتامەنتٸ تاراتقان اقپاراتتا.
