Shyǵys Qazaqstan oblysynyń ekologtary 3 sáýirde Ertiske qulaǵan vagondarda ne bolǵanyn aitty, - dep habarlaidy Tengrinews.kz tilshisi.
Ekologtar Óskemen-Qumystaý temirjol ýchaskesinde 18 vagon relsten shyǵyp, onyń altaýy Ertis ózenine qulap ketken oqiǵaǵa qatysty pikir bildirdi.
"Alty vagonnyń bireýinde rýda, beseýinde qoj bolǵan. Ol ádette óńdelgen shahtanyń bos jerlerin toltyrý úshin inertti material retinde paidalanylady. Bul áleýetti qaýip tóndirmeidi", - dedi ShQO ekologiia departamenti basshysy Daniiar Áliev.
Ol mamandar yqtimal ziiandy anyqtaý úshin saraptamaǵa sý synamasyn alyp qoiǵanyn aitty.
Daniiar Álievtiń aitýynsha, qazir mamandar sýdaǵy aýyr metaldardyń: qorǵasyn, myrysh jáne mystyń himiialyq quramy boiynsha zertteýler júrgizip jatyr. Munymen "Qazgidromet" RMK qyzmetkerleri ainalysady. Olar oqiǵa ornyna baryp, sý synamasyn alyp qoiǵan.
"Zertteýdiń alǵashqy nátijeleri erteń tańerteń daiyn bolýy kerek", - dedi Daniiar Áliev.
Eske salaiyq, 3 sáýirde saǵat 12.04-te Shyǵys Qazaqstan oblysynyń Óskemen-Qumystaý temirjol ýchaskesinde 18 vagon relsten shyǵyp ketken bolatyn.
