شىعىس قازاقستان وبلىسىنىڭ ەكولوگتارى 3 سەۋٸردە ەرتٸسكە قۇلاعان ۆاگونداردا نە بولعانىن ايتتى, - دەپ حابارلايدى Tengrinews.kz تٸلشٸسٸ.
ەكولوگتار ٶسكەمەن-قۇمىستاۋ تەمٸرجول ۋچاسكەسٸندە 18 ۆاگون رەلستەن شىعىپ, ونىڭ التاۋى ەرتٸس ٶزەنٸنە قۇلاپ كەتكەن وقيعاعا قاتىستى پٸكٸر بٸلدٸردٸ.
"التى ۆاگوننىڭ بٸرەۋٸندە رۋدا, بەسەۋٸندە قوج بولعان. ول ەدەتتە ٶڭدەلگەن شاحتانىڭ بوس جەرلەرٸن تولتىرۋ ٷشٸن ينەرتتٸ ماتەريال رەتٸندە پايدالانىلادى. بۇل ەلەۋەتتٸ قاۋٸپ تٶندٸرمەيدٸ", - دەدٸ شقو ەكولوگييا دەپارتامەنتٸ باسشىسى دانييار ەليەۆ.
ول ماماندار ىقتيمال زيياندى انىقتاۋ ٷشٸن ساراپتاماعا سۋ سىناماسىن الىپ قويعانىن ايتتى.
دانييار ەليەۆتٸڭ ايتۋىنشا, قازٸر ماماندار سۋداعى اۋىر مەتالداردىڭ: قورعاسىن, مىرىش جەنە مىستىڭ حيمييالىق قۇرامى بويىنشا زەرتتەۋلەر جٷرگٸزٸپ جاتىر. مۇنىمەن "قازگيدرومەت" رمك قىزمەتكەرلەرٸ اينالىسادى. ولار وقيعا ورنىنا بارىپ, سۋ سىناماسىن الىپ قويعان.
"زەرتتەۋدٸڭ العاشقى نەتيجەلەرٸ ەرتەڭ تاڭەرتەڭ دايىن بولۋى كەرەك", - دەدٸ دانييار ەليەۆ.
ەسكە سالايىق, 3 سەۋٸردە ساعات 12.04-تە شىعىس قازاقستان وبلىسىنىڭ ٶسكەمەن-قۇمىستاۋ تەمٸرجول ۋچاسكەسٸندە 18 ۆاگون رەلستەن شىعىپ كەتكەن بولاتىن.
