Shyǵys Qazaqstan oblysynyń Densaýlyq saqtaý basqarmasyna jańa basshy taǵaiyndaldy, dep habarlaidy "Ult aqparat" oblys ákiminiń baspasóz qyzmetine silteme jasap.
ShQO ákimi Danial Ahmetovtiń ókimimen bul laýazymǵa Jaiyq Jumahanov taǵaiyndaldy. Buǵan deiin ol Óskemendegi «Shyǵys Qazaqstan oblystyq aýrýhanasy» KMK bas dárigeri qyzmetin atqarǵan.
Jaiyq Jumahanov 1969 jyly 14 maýsymda Semei oblysy, Aiagóz aýdany, Sergipol aýylynda dúniege kelgen. 1994 jyly Semei meditsinalyq institýtyn bitirgen.
Eńbek jolyn 1994 jyly Semei qalasyndaǵy oblystyq klinikalyq aýrýhananyń anesteziolog – reanimatology bolyp bastady.
2001 jyldan Aiagóz qalasyndaǵy «Qazyǵul» meditsinalyq mekemesinde aǵa dáriger, anesteziolog bolyp jumys istedi. 2002 jyly osy mekemeniń direktory bolyp taǵaiyndaldy.
2008 jyldyń shilde aiynan bastap «Aiagóz aýdanynyń meditsinalyq birlestigi» KMQK direktory boldy.
2013 jyldyń qańtar aiynan bastap qazirgi ýaqytqa deiin Óskemendegi «Shyǵys Qazaqstan oblystyq aýrýhanasy» KMK bas dárigeri mindetin atqaryp keldi.
