Tanymal ánshi Aidana Medenova sońǵy ýaqytta jeke ómirine qatysty taraǵan áńgimelerge jaýap berdi. Óner iesi kúieýimen qarym-qatynasy týraly ashyq aityp, otbasyndaǵy jaǵdaidy túsindirdi, dep habarlaidy ult.kz.
Ánshi "Mamskii áńgime" podkastyna bergen suhbatynda jelide taraǵan ajyrasý týraly qaýesetterdiń shyndyqqa janaspaitynyn málimdedi. Onyń sózinshe, sońǵy ýaqytta ómirinde biraz ózgeris bolyp, buryn aralasqan keibir adamdarymen bailanysyn úzgen.
Aidana Medenova qiyn kezeńderde janynan tabylǵan eń jaqyn adamy kúieýi ekenin aitty. Ol otbasyndaǵy tatýlyqty bárinen joǵary qoiatynyn jáne jubaiymen qarym-qatynasy berik ekenin jetkizdi.
"Adamdar aita beredi. Eń bastysy – úidegi atmosfera. Ondai nárse bolǵan emes, bolmaidy da. Ainalamyzda kóp nárse oryn aldy. Keibir adamdarmen múlde aralaspaimyz. Meniń janymda únemi bolǵan tek kúieýim. Biz bir-birimizden sharshamaimyz. Qudai saqtasyn ajyrasýdan", – dedi ánshi.
Óner iesi kópshiliktiń jeke ómirine qatysty túrli boljam jasap, rastalmaǵan aqparatty taratýyna da pikir bildirdi. Onyń aitýynsha, jurt arasynda aitylyp júrgen áńgimelerdiń qanshalyqty shyndyqqa janasatynyn tekserip jatqan eshkim joq.
"Adamdar basqasha aityp júr. Biz oǵan úirengenbiz. Biraq ol aqparattyń ras-ótirigin tekserip jatqan eshkim joq. Eger birdeńe bolsa, men ózim jazamyn paraqshamda", – dep málimdedi Aidana Medenova.
Osylaisha, ánshi otbasynda ajyrasý máselesi bolmaǵanyn aityp, el arasynda taraǵan qaýesetti joqqa shyǵardy. Sondai-aq ómirindegi ózgeristerge qaramastan, kúieýiniń árdaiym qoldaý kórsetip kele jatqanyn jasyrmady.
Aidana Medenova kim?
Aidana Medenova – qazaqstandyq estrada ánshisi, tanymal "KeshYOU" tobynyń burynǵy múshesi. Ol 1991 jyly 28 qyrkúiekte Semei qalasynda dúniege kelgen.
Ónerli otbasynda tárbielengen Aidana bala kezinen mýzykaǵa qyzyǵyp, fortepiano men skripka aspaptaryn meńgergen. Keiin Almatyda interer dizaineri mamandyǵy boiynsha bilim alǵan.
2012 jyly "KeshYOU" tobyna qosylyp, Janar Duǵalova jáne Kámshat Joldybaevamen birge óner kórsetti. Úsh ánshiden quralǵan bul quram kópshilik arasynda toptyń "altyn quramy" atandy.
2015 jyly Aidana toptan ketip, jeke shyǵarmashylyǵyn jalǵastyrýǵa sheshim qabyldady.
Sol jyly "Indigo" jáne "FM" toptarynyń prodiýseri Álisher Nurjanovqa turmysqa shyqty. Qazir óner iesi úsh balanyń anasy.
Biraz ýaqyt sahnadan qol úzgen ánshi 2026 jyly shyǵarmashylyǵyna qaita oralyp, ónerdegi úzilisiniń sebepteri týraly suhbattarynda aityp júr.
