شىعىس قازاقستان وبلىسىنىڭ دەنساۋلىق ساقتاۋ باسقارماسىنا جاڭا باسشى تاعايىندالدى, دەپ حابارلايدى "ۇلت اقپارات" وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
شقو ەكٸمٸ دانيال احمەتوۆتٸڭ ٶكٸمٸمەن بۇل لاۋازىمعا جايىق جۇماحانوۆ تاعايىندالدى. بۇعان دەيٸن ول ٶسكەمەندەگٸ «شىعىس قازاقستان وبلىستىق اۋرۋحاناسى» كمك باس دەرٸگەرٸ قىزمەتٸن اتقارعان.
جايىق جۇماحانوۆ 1969 جىلى 14 ماۋسىمدا سەمەي وبلىسى, اياگٶز اۋدانى, سەرگيپول اۋىلىندا دٷنيەگە كەلگەن. 1994 جىلى سەمەي مەديتسينالىق ينستيتۋتىن بٸتٸرگەن.
ەڭبەك جولىن 1994 جىلى سەمەي قالاسىنداعى وبلىستىق كلينيكالىق اۋرۋحانانىڭ انەستەزيولوگ – رەانيماتولوگى بولىپ باستادى.
2001 جىلدان اياگٶز قالاسىنداعى «قازىعۇل» مەديتسينالىق مەكەمەسٸندە اعا دەرٸگەر, انەستەزيولوگ بولىپ جۇمىس ٸستەدٸ. 2002 جىلى وسى مەكەمەنٸڭ ديرەكتورى بولىپ تاعايىندالدى.
2008 جىلدىڭ شٸلدە ايىنان باستاپ «اياگٶز اۋدانىنىڭ مەديتسينالىق بٸرلەستٸگٸ» كمقك ديرەكتورى بولدى.
2013 جىلدىڭ قاڭتار ايىنان باستاپ قازٸرگٸ ۋاقىتقا دەيٸن ٶسكەمەندەگٸ «شىعىس قازاقستان وبلىستىق اۋرۋحاناسى» كمك باس دەرٸگەرٸ مٸندەتٸن اتقارىپ كەلدٸ.
