Glýbokoe aýdanyndaǵy tasqynnyń saldaryn joiýǵa Ulttyq ulannyń 60 sarbazy jiberildi, dep habarlaidy QazAqparat tilshisi.
Shyǵystaǵy tasqynmen kúreske Qazaqstan Respýblikasynyń Ulttyq ulan jasaqtary da belsendi atsalysýda.
«Shyǵys» óńirlik qolbasshylyǵynyń 5518 áskeri bólimine qarasty jedel maqsattaǵy batalony kóktemgi tasqyn saldaryn joiýǵa tas-túiin daiyndyqpen kiristi. Buǵan deiin sarbazdar bekinis qural-saimandaryn arqalap, Óskemendegi tasqynmen kúreske atsalysqan bolatyn» - deidi «Shyǵys» óńirlik qolbasshylyǵy shtab bastyǵynyń tótenshe jaǵdailar jónindegi orynbasary Baýyrjan Bilálov.
Qazirgi tańda Ulttyq ulan sarbazdary Glýbokoe aýdanynyń turǵyndaryna kómektesip júr. Olardyń kúshimen Progres, Predgornoe aýyldarynan jáne Beloýsovka kentinen 10 otbasy qaýipsiz jerge kóshirildi.
«Bizdiń sarbazdar qutqarǵan 21 adamnyń ishinde 6 bala, 1 jarymjan adam boldy. Sarbazdar ózge de qyzmettermen birge tań atqannan tún ortasyna deiin damylsyz qimyldaýda. Tasyǵan sýdyń beti qaityp, jaǵdai turaqtalǵansha halyqpen birge bolamyz» - deidi Baýyrjan Bilálov.
Ulttyq ulan jasaqtary aryqtardy arshyp, bóget úiip qana qoimai, aýyz sýsyz qalǵan úilerge sý tasyp berip júr. Dúkenge barý múmkin bolmai qalǵan úiler azyq-túlik alǵyzý úshin de sarbazdardyń kómegine júginýde.
Baýyrjan Bilálovtyń aitýynsha, Ulttyq ulan ókilderi ár eldi mekende 200 metrden astam aryq qazyp, júzdegen qap inertti material tósep, tótenshe jaǵdai qyzmetiniń jumysyn jeńildetýde.
