گلۋبوكوە اۋدانىنداعى تاسقىننىڭ سالدارىن جويۋعا ۇلتتىق ۇلاننىڭ 60 ساربازى جٸبەرٸلدٸ, دەپ حابارلايدى قازاقپارات تٸلشٸسٸ.
شىعىستاعى تاسقىنمەن كٷرەسكە قازاقستان رەسپۋبليكاسىنىڭ ۇلتتىق ۇلان جاساقتارى دا بەلسەندٸ اتسالىسۋدا.
«شىعىس» ٶڭٸرلٸك قولباسشىلىعىنىڭ 5518 ەسكەري بٶلٸمٸنە قاراستى جەدەل ماقساتتاعى باتالونى كٶكتەمگٸ تاسقىن سالدارىن جويۋعا تاس-تٷيٸن دايىندىقپەن كٸرٸستٸ. بۇعان دەيٸن ساربازدار بەكٸنٸس قۇرال-سايماندارىن ارقالاپ, ٶسكەمەندەگٸ تاسقىنمەن كٷرەسكە اتسالىسقان بولاتىن» - دەيدٸ «شىعىس» ٶڭٸرلٸك قولباسشىلىعى شتاب باستىعىنىڭ تٶتەنشە جاعدايلار جٶنٸندەگٸ ورىنباسارى باۋىرجان بٸلەلوۆ.
قازٸرگٸ تاڭدا ۇلتتىق ۇلان ساربازدارى گلۋبوكوە اۋدانىنىڭ تۇرعىندارىنا كٶمەكتەسٸپ جٷر. ولاردىڭ كٷشٸمەن پروگرەس, پرەدگورنوە اۋىلدارىنان جەنە بەلوۋسوۆكا كەنتٸنەن 10 وتباسى قاۋٸپسٸز جەرگە كٶشٸرٸلدٸ.
«بٸزدٸڭ ساربازدار قۇتقارعان 21 ادامنىڭ ٸشٸندە 6 بالا, 1 جارىمجان ادام بولدى. ساربازدار ٶزگە دە قىزمەتتەرمەن بٸرگە تاڭ اتقاننان تٷن ورتاسىنا دەيٸن دامىلسىز قيمىلداۋدا. تاسىعان سۋدىڭ بەتٸ قايتىپ, جاعداي تۇراقتالعانشا حالىقپەن بٸرگە بولامىز» - دەيدٸ باۋىرجان بٸلەلوۆ.
ۇلتتىق ۇلان جاساقتارى ارىقتاردى ارشىپ, بٶگەت ٷيٸپ قانا قويماي, اۋىز سۋسىز قالعان ٷيلەرگە سۋ تاسىپ بەرٸپ جٷر. دٷكەنگە بارۋ مٷمكٸن بولماي قالعان ٷيلەر ازىق-تٷلٸك العىزۋ ٷشٸن دە ساربازداردىڭ كٶمەگٸنە جٷگٸنۋدە.
باۋىرجان بٸلەلوۆتىڭ ايتۋىنشا, ۇلتتىق ۇلان ٶكٸلدەرٸ ەر ەلدٸ مەكەندە 200 مەتردەن استام ارىق قازىپ, جٷزدەگەن قاپ ينەرتتٸ ماتەريال تٶسەپ, تٶتەنشە جاعداي قىزمەتٸنٸڭ جۇمىسىن جەڭٸلدەتۋدە.
