Shyǵys Qazaqstan oblysy Tarbaǵatai aýdanynda 25 tonna shóp órtendi, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, 12 qarashada saǵat tańǵy 04.00-de Tarbaǵatai aýdanynyń Oishilik aýylynda eki jeke turǵyn úidiń aýlasyndaǵy 25 tonna shóp janyp ketken. Belgili bolǵandai, bir úidiń mańaiyndaǵy shópti sharpyǵan jalyn lezde kórshisiniń aýmaǵyna qarai jaiyla bastady.
«Órt sóndirýshiler tilsiz jaýdy saǵat 08.55-te tolyqtai aýyzdyqtady. Órttiń shyǵý sebebi – otpen abaisyz áreket etýden nemese qasaqana órteýden bolýy múmkin», - dep habarlady vedomstvo ókilderi.
Aita keteiik, jalyndy sóndirýge 6 adam men 2 órt sóndirý kóligi jumyldyrylǵan.
