شىعىس قازاقستان وبلىسى تارباعاتاي اۋدانىندا 25 توننا شٶپ ٶرتەندٸ, دەپ حابارلايدى "ۇلت اقپارات".
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, 12 قاراشادا ساعات تاڭعى 04.00-دە تارباعاتاي اۋدانىنىڭ ويشٸلٸك اۋىلىندا ەكٸ جەكە تۇرعىن ٷيدٸڭ اۋلاسىنداعى 25 توننا شٶپ جانىپ كەتكەن. بەلگٸلٸ بولعانداي, بٸر ٷيدٸڭ ماڭايىنداعى شٶپتٸ شارپىعان جالىن لەزدە كٶرشٸسٸنٸڭ اۋماعىنا قاراي جايىلا باستادى.
«ٶرت سٶندٸرۋشٸلەر تٸلسٸز جاۋدى ساعات 08.55-تە تولىقتاي اۋىزدىقتادى. ٶرتتٸڭ شىعۋ سەبەبٸ – وتپەن ابايسىز ەرەكەت ەتۋدەن نەمەسە قاساقانا ٶرتەۋدەن بولۋى مٷمكٸن», - دەپ حابارلادى ۆەدومستۆو ٶكٸلدەرٸ.
ايتا كەتەيٸك, جالىندى سٶندٸرۋگە 6 ادام مەن 2 ٶرت سٶندٸرۋ كٶلٸگٸ جۇمىلدىرىلعان.
