Shyǵys Qazaqstannyń Ridder qalasynyń mańyndaǵy órtke bailanysty oblystyq departament janynan shuǵyl telefon jeli iske qosyldy, dep habarlaidy "Ult aqparat".
«Qazirgi ýaqytta órt ornynda jergilikti atqarýshy organdardyń, ShQO TJD Órt sóndirý bólimsheleriniń jáne orman sharýashylyǵynyń jeke quramynan 208 adam jáne 47 birlik tehnika jumys istep jatyr. Órtke oranǵan aýmaq 310 gektarǵa jetti. Saldarynan 35 úi men 9 sharýashylyq qurylys búlingen. Jumyldyrylǵan jumys kúshi men tehnika órtti aýyzdyqtaýǵa jetkilikti. Oqiǵa ornyna qosymsha 3 avtotsisterna men 15 qutqarýshy bara jatyr. Qajet bolǵan jaǵdaida kómekke qosalqy tehnika tartylady», - deidi Tótenshe jaǵdailar ministrliginiń resmi ókili Talǵat Ýáli.
Oblystyq tótenshe jaǵdailar departamentiniń janynan qurylǵan shuǵyl jelige turǵyndar 8(7232) 55-38-19 nómiri boiynsha júgine alady. Atalǵan jeli arqyly órtten zardap shekender men olardyń jaqyndaryna psihologtar kómek kórsetedi. Sondai-aq, Talǵat Ýáli oblystyq departament bazasynda osy oqiǵa boiynsha daǵdarys ortalyǵynyń jedel shtaby qurylǵanyn málim etti.
