شىعىس قازاقستاننىڭ ريددەر قالاسىنىڭ ماڭىنداعى ٶرتكە بايلانىستى وبلىستىق دەپارتامەنت جانىنان شۇعىل تەلەفون جەلٸ ٸسكە قوسىلدى, دەپ حابارلايدى "ۇلت اقپارات".
«قازٸرگٸ ۋاقىتتا ٶرت ورنىندا جەرگٸلٸكتٸ اتقارۋشى ورگانداردىڭ, شقو تجد ٶرت سٶندٸرۋ بٶلٸمشەلەرٸنٸڭ جەنە ورمان شارۋاشىلىعىنىڭ جەكە قۇرامىنان 208 ادام جەنە 47 بٸرلٸك تەحنيكا جۇمىس ٸستەپ جاتىر. ٶرتكە ورانعان اۋماق 310 گەكتارعا جەتتٸ. سالدارىنان 35 ٷي مەن 9 شارۋاشىلىق قۇرىلىس بٷلٸنگەن. جۇمىلدىرىلعان جۇمىس كٷشٸ مەن تەحنيكا ٶرتتٸ اۋىزدىقتاۋعا جەتكٸلٸكتٸ. وقيعا ورنىنا قوسىمشا 3 اۆتوتسيستەرنا مەن 15 قۇتقارۋشى بارا جاتىر. قاجەت بولعان جاعدايدا كٶمەككە قوسالقى تەحنيكا تارتىلادى», - دەيدٸ تٶتەنشە جاعدايلار مينيسترلٸگٸنٸڭ رەسمي ٶكٸلٸ تالعات ۋەلي.
وبلىستىق تٶتەنشە جاعدايلار دەپارتامەنتٸنٸڭ جانىنان قۇرىلعان شۇعىل جەلٸگە تۇرعىندار 8(7232) 55-38-19 نٶمٸرٸ بويىنشا جٷگٸنە الادى. اتالعان جەلٸ ارقىلى ٶرتتەن زارداپ شەكەندەر مەن ولاردىڭ جاقىندارىنا پسيحولوگتار كٶمەك كٶرسەتەدٸ. سونداي-اق, تالعات ۋەلي وبلىستىق دەپارتامەنت بازاسىندا وسى وقيعا بويىنشا داعدارىس ورتالىعىنىڭ جەدەل شتابى قۇرىلعانىن مەلٸم ەتتٸ.
