Shyǵys Qazaqstan oblysy Tótenshe jaǵdailar departamenti Leshoz kentiniń turǵyndary úshin qaýyrt jeli jumys istei bastaǵanyn habarlady.
Qazirgi tańda kentte órt sóndirýshiler, ormanshylar jáne jergilikti atqarýshy organdar órtpen kúresti jalǵastyrýda.
«Kómekke muqtaj barlyq adamdar 8(7232) 55-38-19 nómirine qońyraý shala alady, onda psihologtar olarmen jumys isteýge daiyn. ShQO TJD Daǵdarys ortalyǵynda jedel shtab quryldy»,-delingen habarlamada.
Aita keteiik, osyǵan deiin Memleket basshysynyń tapsyrmasy boiynsha Úkimet pen Shyǵys Qazaqstan oblysynyń ákimdigi órtten zardap shekken Leshoz kentiniń turǵyndaryna kómek kórsetip, baspanamen qamtamasyz etý jumystaryn júrgizip jatqandyǵy, bul máseleni Prezident baqylaýynda ustap otyrǵandyǵy habarlandy.
