Shyǵys Qazaqstan oblysyndaǵy dala órtine bailanysty sot saraptamalary taǵaiyndaldy, dep habarlaidy "Ult aqparat".
Bul jaily ShQO Aimaqtyq kommýnikatsiialar qyzmetinde ótken baspasóz máslihaty barysynda ShQO PD bastyǵynyń orynbasary Eldos Zakimov málim etti.
«Politsiia qyzmetkerleri 10 mamyrda shyqqan alapat órtke bailanysty QR QK-niń 204-baby 2-bóligine sáikes (otpen abaisyz jumys isteý arqyly jasalǵan ne aýyr zardaptarǵa ákep soqqan nemese asa iri zalal keltirý) sotqa deiingi tergeý amaldaryn bastaǵan. Atalǵan bap boiynsha 2 myń AEK-ke deiingi mólsherde aiyppul salý nemese eki jylǵa deiingi merzimge bas bostandyǵynan aiyrý túrindegi jaza qarastyrylǵan. Kúdikti retinde buryn sotty bolmaǵan, 35 jastaǵy Ridder qalasynyń turǵyny ustaldy. Onyń abaisyzdyǵy osyndai aýyr saldarǵa ákep soqty», - dedi ol.
Politsiia departamentimen qurylǵan arnaiy jedel-tergeý tobynyń qyzmetkerleri beinejazbalardy zerdelep, kýálardyń jaýaptaryn muqiiat tekserýde. Sondai-aq tiisti sot saraptamalary taǵaiyndalǵan.
Qylmystyq isti tergeý QR Ishki ister ministrliginiń baqylaýyna alyndy. Ózge aqparat Qazaqstan Respýblikasynyń Qylmystyq is júrgizý kodeksiniń 201-babyna sáikes jariialaýǵa jatpaidy.
