شىعىس قازاقستان وبلىسىنداعى دالا ٶرتٸنە بايلانىستى سوت ساراپتامالارى تاعايىندالدى, دەپ حابارلايدى "ۇلت اقپارات".
بۇل جايلى شقو ايماقتىق كوممۋنيكاتسييالار قىزمەتٸندە ٶتكەن باسپاسٶز مەسليحاتى بارىسىندا شقو پد باستىعىنىڭ ورىنباسارى ەلدوس زاكيموۆ مەلٸم ەتتٸ.
«پوليتسييا قىزمەتكەرلەرٸ 10 مامىردا شىققان الاپات ٶرتكە بايلانىستى قر قك-نٸڭ 204-بابى 2-بٶلٸگٸنە سەيكەس (وتپەن ابايسىز جۇمىس iستەۋ ارقىلى جاسالعان نە اۋىر زارداپتارعا ەكەپ سوققان نەمەسە اسا ٸرٸ زالال كەلتٸرۋ) سوتقا دەيٸنگٸ تەرگەۋ امالدارىن باستاعان. اتالعان باپ بويىنشا 2 مىڭ اەك-كە دەيٸنگٸ مٶلشەردە ايىپپۇل سالۋ نەمەسە ەكٸ جىلعا دەيٸنگٸ مەرزٸمگە باس بوستاندىعىنان ايىرۋ تٷرٸندەگٸ جازا قاراستىرىلعان. كٷدٸكتٸ رەتٸندە بۇرىن سوتتى بولماعان, 35 جاستاعى ريددەر قالاسىنىڭ تۇرعىنى ۇستالدى. ونىڭ ابايسىزدىعى وسىنداي اۋىر سالدارعا ەكەپ سوقتى», - دەدٸ ول.
پوليتسييا دەپارتامەنتٸمەن قۇرىلعان ارنايى جەدەل-تەرگەۋ توبىنىڭ قىزمەتكەرلەرٸ بەينەجازبالاردى زەردەلەپ, كۋەلاردىڭ جاۋاپتارىن مۇقييات تەكسەرۋدە. سونداي-اق تيٸستٸ سوت ساراپتامالارى تاعايىندالعان.
قىلمىستىق ٸستٸ تەرگەۋ قر ٸشكٸ ٸستەر مينيسترلٸگٸنٸڭ باقىلاۋىنا الىندى. ٶزگە اقپارات قازاقستان رەسپۋبليكاسىنىڭ قىلمىستىق ٸس جٷرگٸزۋ كودەكسٸنٸڭ 201-بابىنا سەيكەس جارييالاۋعا جاتپايدى.
