Foto: ashyq derekkóz
Qarjylyq monitoring agenttiginiń Shyǵys Qazaqstan oblysy boiynsha departamenti jer qoinaýyn paidalanýshylardan aqsha alý shemasyn uiymdastyrǵan eki azamatqa qatysty alaiaqtyq deregi boiynsha tergeýdi aiaqtady, dep habarlaidy Ult.kz.
Vedomstvo málimetinshe, 2025 jylǵy qyrkúiek aiynda Samar aýdanynyń «Kenqaryn» ýchaskesinde bir top adam «Qulynjon» ózeniniń arnasyn óz betinshe ózgertý arqyly baǵaly metaldardy zańsyz óndirgeni anyqtalyp, olardyń áreketi toqtatylǵan. Atalǵan zańsyzdyq saldarynan ekologiialyq zalal 54 million teńgeden asqan.
Osy jaǵdaidy paidalanǵan kúdiktiler qylmystyq iske tartylǵan azamattardyń birine qamaýda ustaý túrindegi bultartpaý sharasyn jeńildetýge kómektesemiz degen syltaýmen 10 myń AQSh dollaryn berýge kóndirgen.
Qabyldanǵan jedel sharalar nátijesinde atalǵan tulǵalar aqsha alý kezinde ustaldy.
Sot úkimimen olarǵa 2 jyl 6 ai merzimge bas bostandyǵyn shekteý jazasy taǵaiyndaldy. Úkim ázirge zańdy kúshine engen joq.
