فوتو: اشىق دەرەككٶز
قارجىلىق مونيتورينگ اگەنتتٸگٸنٸڭ شىعىس قازاقستان وبلىسى بويىنشا دەپارتامەنتٸ جەر قويناۋىن پايدالانۋشىلاردان اقشا الۋ سحەماسىن ۇيىمداستىرعان ەكٸ ازاماتقا قاتىستى الاياقتىق دەرەگٸ بويىنشا تەرگەۋدٸ اياقتادى, دەپ حابارلايدى Ult.kz.
ۆەدومستۆو مەلٸمەتٸنشە, 2025 جىلعى قىركٷيەك ايىندا سامار اۋدانىنىڭ «كەنقارىن» ۋچاسكەسٸندە بٸر توپ ادام «قۇلىنجون» ٶزەنٸنٸڭ ارناسىن ٶز بەتٸنشە ٶزگەرتۋ ارقىلى باعالى مەتالداردى زاڭسىز ٶندٸرگەنٸ انىقتالىپ, ولاردىڭ ەرەكەتٸ توقتاتىلعان. اتالعان زاڭسىزدىق سالدارىنان ەكولوگييالىق زالال 54 ميلليون تەڭگەدەن اسقان.
وسى جاعدايدى پايدالانعان كٷدٸكتٸلەر قىلمىستىق ٸسكە تارتىلعان ازاماتتاردىڭ بٸرٸنە قاماۋدا ۇستاۋ تٷرٸندەگٸ بۇلتارتپاۋ شاراسىن جەڭٸلدەتۋگە كٶمەكتەسەمٸز دەگەن سىلتاۋمەن 10 مىڭ اقش دوللارىن بەرۋگە كٶندٸرگەن.
قابىلدانعان جەدەل شارالار نەتيجەسٸندە اتالعان تۇلعالار اقشا الۋ كەزٸندە ۇستالدى.
سوت ٷكٸمٸمەن ولارعا 2 جىل 6 اي مەرزٸمگە باس بوستاندىعىن شەكتەۋ جازاسى تاعايىندالدى. ٷكٸم ەزٸرگە زاڭدى كٷشٸنە ەنگەن جوق.
