Shyǵys Qazaqstan oblysynda júk avtokóligi jedel járdemmen soqtyǵysyp, eki meditsina qyzmetkeri mert boldy, dep habarlaidy "Ult aqparat".
ShQO Politsiia departamentiniń málimetinshe, jol apaty 3 aqpan kúni saǵat 19:25 shamasynda «Óskemen-Semei» tasjolynda boldy.
«SCHMITZ» tirkemesi bar «DAF» júk avtokóliginiń 29 jastaǵy júrgizýshisi «Óskemen-Semei» tasjolynyń Óskemennen Semei qalasyna qarai 140/58 shaqyrym jerinde aýa raiynyń qolaisyzdyǵynan (jaiaý burqasyn, kóktaiǵaq) rýlge ie bola almai qalyp, qarsy bette kele jatqan «GAZ-A31R23» markaly jedel járdem kóligimen soqtyǵysqan», - dep habarlady vedomstvonyń baspasóz qyzmetinen.
Jol apaty saldarynan jedel meditsinalyq kómektiń 49 jáne 42 jastaǵy eki qyzmetkeri aýyr jaraqattarynan oqiǵa ornynda mert boldy. 44 jastaǵy júrgizýshi dene jaraqattaryn alǵan, ol Semei qalasynyń aýrýhanasyna jetkizildi.
Osy oqiǵaǵa qatysty QR QK 345-baby 4-bóligi boiynsha sotqa deiingi tergeý bastaldy. Birqatar sot saraptamasy taǵaiyndaldy. Sotqa deiingi tergeý jalǵasyp jatyr.
