شىعىس قازاقستان وبلىسىندا جٷك اۆتوكٶلٸگٸ جەدەل جەردەممەن سوقتىعىسىپ, ەكٸ مەديتسينا قىزمەتكەرٸ مەرت بولدى, دەپ حابارلايدى "ۇلت اقپارات".
شقو پوليتسييا دەپارتامەنتٸنٸڭ مەلٸمەتٸنشە, جول اپاتى 3 اقپان كٷنٸ ساعات 19:25 شاماسىندا «ٶسكەمەن-سەمەي» تاسجولىندا بولدى.
«SCHMITZ» تٸركەمەسٸ بار «داف» جٷك اۆتوكٶلٸگٸنٸڭ 29 جاستاعى جٷرگٸزۋشٸسٸ «ٶسكەمەن-سەمەي» تاسجولىنىڭ ٶسكەمەننەن سەمەي قالاسىنا قاراي 140/58 شاقىرىم جەرٸندە اۋا رايىنىڭ قولايسىزدىعىنان (جاياۋ بۇرقاسىن, كٶكتايعاق) رۋلگە يە بولا الماي قالىپ, قارسى بەتتە كەلە جاتقان «گاز-A31R23» ماركالى جەدەل جەردەم كٶلٸگٸمەن سوقتىعىسقان», - دەپ حابارلادى ۆەدومستۆونىڭ باسپاسٶز قىزمەتٸنەن.
جول اپاتى سالدارىنان جەدەل مەديتسينالىق كٶمەكتٸڭ 49 جەنە 42 جاستاعى ەكٸ قىزمەتكەرٸ اۋىر جاراقاتتارىنان وقيعا ورنىندا مەرت بولدى. 44 جاستاعى جٷرگٸزۋشٸ دەنە جاراقاتتارىن العان, ول سەمەي قالاسىنىڭ اۋرۋحاناسىنا جەتكٸزٸلدٸ.
وسى وقيعاعا قاتىستى قر قك 345-بابى 4-بٶلٸگٸ بويىنشا سوتقا دەيٸنگٸ تەرگەۋ باستالدى. بٸرقاتار سوت ساراپتاماسى تاعايىندالدى. سوتقا دەيٸنگٸ تەرگەۋ جالعاسىپ جاتىر.
