Shyǵys Qazaqstan oblysynda gaz jelisinde apat bolyp, 9 eldi mekenge gaz berý toqtatylǵan, dep habarlaidy "Ult aqparat".
Oblystyq ákimdiktiń málimetine sensek, 27 qańtar kúni saǵat 19:30 shamasynda «Barys kól» JShS ekskavatorshysy Álibek Ótkelbaev kópir qurylysy boiynsha jer jumystaryn oryndaý kezinde Zaisan aýdanynyń 9 eldimekenin gazben qamtamasyz etetin joǵary qysymdy magistraldy gaz qubyryna baiqaýsyzda zaqym keltirgen.
Saldarynan Ainabulaq, Qaratal, Úlken-Qaratal, Shalqar, Kógedai, Qainar, Keńsai, Jambyl, Qarabulaq eldi mekenderindegi 2105 abonentke gaz berý shuǵyl toqtatyldy.
Aýdan ákiminiń basshylyǵymen qalpyna keltirý jumystary ornynda shtab quryldy.
6 motopompa, ATs-40, 1 KÝNG, 50 tehnika, sondai-aq «Barys kól» JShS tarapynan barlyq qajetti tehnika jumyldyryldy.
9 eldi mekende kómir men qajetti otyn qoryn tasymaldaý uiymdastyryldy.
Aita keteiik, barlyq úiler apat kezinde avtonomdy jylý kózderine kóshti.
Al syrtqy aýa temperatýrasy -17 gradýsty qurady.
Búgin tańerteń saǵat 8.00-de apat saldary joiylyp, abonentterdi qosý jumystary bastaldy.
