شىعىس قازاقستان وبلىسىندا گاز جەلٸسٸندە اپات بولىپ, 9 ەلدٸ مەكەنگە گاز بەرۋ توقتاتىلعان, دەپ حابارلايدى "ۇلت اقپارات".
وبلىستىق ەكٸمدٸكتٸڭ مەلٸمەتٸنە سەنسەك, 27 قاڭتار كٷنٸ ساعات 19:30 شاماسىندا «بارىس كٶل» جشس ەكسكاۆاتورشىسى ەلٸبەك ٶتكەلباەۆ كٶپٸر قۇرىلىسى بويىنشا جەر جۇمىستارىن ورىنداۋ كەزٸندە زايسان اۋدانىنىڭ 9 ەلدٸمەكەنٸن گازبەن قامتاماسىز ەتەتٸن جوعارى قىسىمدى ماگيسترالدى گاز قۇبىرىنا بايقاۋسىزدا زاقىم كەلتٸرگەن.
سالدارىنان اينابۇلاق, قاراتال, ٷلكەن-قاراتال, شالقار, كٶگەداي, قاينار, كەڭساي, جامبىل, قارابۇلاق ەلدٸ مەكەندەرٸندەگٸ 2105 ابونەنتكە گاز بەرۋ شۇعىل توقتاتىلدى.
اۋدان ەكٸمٸنٸڭ باسشىلىعىمەن قالپىنا كەلتٸرۋ جۇمىستارى ورنىندا شتاب قۇرىلدى.
6 موتوپومپا, اتس-40, 1 كۋنگ, 50 تەحنيكا, سونداي-اق «بارىس كٶل» جشس تاراپىنان بارلىق قاجەتتٸ تەحنيكا جۇمىلدىرىلدى.
9 ەلدٸ مەكەندە كٶمٸر مەن قاجەتتٸ وتىن قورىن تاسىمالداۋ ۇيىمداستىرىلدى.
ايتا كەتەيٸك, بارلىق ٷيلەر اپات كەزٸندە اۆتونومدى جىلۋ كٶزدەرٸنە كٶشتٸ.
ال سىرتقى اۋا تەمپەراتۋراسى -17 گرادۋستى قۇرادى.
بٷگٸن تاڭەرتەڭ ساعات 8.00-دە اپات سالدارى جويىلىپ, ابونەنتتەردٸ قوسۋ جۇمىستارى باستالدى.
