10 aqpanda óskemendik alty saiahatshy Ridder qalasynda Úlbi ózeniniń mańaiyndaǵy Serjiha taýynda qarda syrǵanap júrgen. Kenetten taýdan kóshkin júrip ketip, olardyń birin qar basyp qalǵan, dep habarlaidy ShQO TJD baspasóz qyzmeti.
«Dereý kómekke ShQO TJD Jedel qutqarý jasaǵynyń qutqarýshylar toby kinologiialyq eseppen birge Evrokopter-145 tikushaǵymen shyqty, quramynda 5 adam bar ekinshi top jol talǵamaityn kólikpen Óskemennen shyqty, oǵan qosa Ridder qalasynan qutqarýshylar men 4 volonter qarda júrgishpen qosymsha jumyldyryldy», - dedi Qazaqstan Respýblikasy Tótenshe jaǵdailar ministrliginiń resmi ókili Talǵat Ýáli.
16:23-te tikushaq kúnniń bultty bolýy men kózge túrtkisiz tútek borannan jerge qonýǵa májbúr boldy. Osy ýaqytta saiahatshylar bailanysqa shyǵyp, qar astynda qalǵan 1979 jyly týǵan er adamnyń denesin alyp shyqqanyn habarlady. Saiahatshylar turǵan oryndarynyń naqty koordinattaryn berip, ol jerge qutqarýshylar men volonterler qarda júretin tehnikamen jetti.
11 aqpanda 8 volonter, 2 qutqarýshy jáne 1 kriminallyq politsiia sarapshydan turatyn top, sonymen qatar 3 saiahatshy qaza bolǵan adamnyń denesin taýdan túsirdi.
Aita keteiik, ShQO TJD qutqarýshylary birneshe kún qatarynan turǵyndarǵa aldyn ala taýdaǵy kóshkin qaýpi týraly eskertý jasaǵan bolatyn.
