10 اقپاندا ٶسكەمەندٸك التى ساياحاتشى ريددەر قالاسىندا ٷلبٸ ٶزەنٸنٸڭ ماڭايىنداعى سەرجيحا تاۋىندا قاردا سىرعاناپ جٷرگەن. كەنەتتەن تاۋدان كٶشكٸن جٷرٸپ كەتٸپ, ولاردىڭ بٸرٸن قار باسىپ قالعان, دەپ حابارلايدى شقو تجد باسپاسٶز قىزمەتٸ.
«دەرەۋ كٶمەككە شقو تجد جەدەل قۇتقارۋ جاساعىنىڭ قۇتقارۋشىلار توبى كينولوگييالىق ەسەپپەن بٸرگە ەۆروكوپتەر-145 تٸكۇشاعىمەن شىقتى, قۇرامىندا 5 ادام بار ەكٸنشٸ توپ جول تالعامايتىن كٶلٸكپەن ٶسكەمەننەن شىقتى, وعان قوسا ريددەر قالاسىنان قۇتقارۋشىلار مەن 4 ۆولونتەر قاردا جٷرگٸشپەن قوسىمشا جۇمىلدىرىلدى», - دەدٸ قازاقستان رەسپۋبليكاسى تٶتەنشە جاعدايلار مينيسترلٸگٸنٸڭ رەسمي ٶكٸلٸ تالعات ۋەلي.
16:23-تە تٸكۇشاق كٷننٸڭ بۇلتتى بولۋى مەن كٶزگە تٷرتكٸسٸز تٷتەك بوراننان جەرگە قونۋعا مەجبٷر بولدى. وسى ۋاقىتتا ساياحاتشىلار بايلانىسقا شىعىپ, قار استىندا قالعان 1979 جىلى تۋعان ەر ادامنىڭ دەنەسٸن الىپ شىققانىن حابارلادى. ساياحاتشىلار تۇرعان ورىندارىنىڭ ناقتى كوورديناتتارىن بەرٸپ, ول جەرگە قۇتقارۋشىلار مەن ۆولونتەرلەر قاردا جٷرەتٸن تەحنيكامەن جەتتٸ.
11 اقپاندا 8 ۆولونتەر, 2 قۇتقارۋشى جەنە 1 كريميناللىق پوليتسييا ساراپشىدان تۇراتىن توپ, سونىمەن قاتار 3 ساياحاتشى قازا بولعان ادامنىڭ دەنەسٸن تاۋدان تٷسٸردٸ.
ايتا كەتەيٸك, شقو تجد قۇتقارۋشىلارى بٸرنەشە كٷن قاتارىنان تۇرعىندارعا الدىن الا تاۋداعى كٶشكٸن قاۋپٸ تۋرالى ەسكەرتۋ جاساعان بولاتىن.
