Shyǵys Qazaqstan oblysy Shemonaiha aýdanynda aiý atqan brakoner ustaldy, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, qazan aiynyń basynda tabiǵat qorǵaý politsiiasy Shemonaiha aýdany, Bolshaia Rechka aýylynan soltústikke qarai 7 shaqyrym jerde júrgizilgen reid barysynda aiýdyń óleksesin tapty.
Jedel-izdestirý sharalary nátijesinde sol aýyldyń 26 jastaǵy turǵyny ustalǵan. Belgili bolǵandai, er adam tuzaq ornatyp, tirkelmegen eki uńǵyly myltyqpen aiýdy atyp alǵan. Sodan keiin jabaiy ańdy soiyp, etin ózimen birge alyp ketken.
«Kúdiktiniń úiin tintý kezinde tirkelmegen eki uńǵyly myltyq pen oqtar, pyshaq, mototsikl, aiý eti salynǵan 50-den astam polietilen paket tárkilendi. Atalǵan fakti boiynsha Qazaqstan Respýblikasy Qylmystyq kodeksiniń 337-baby 1 bóligimen sotqa deiingi tergeý bastaldy», - deidi ShQO Politsiia departamentniń bastyǵy Saǵat Mádiev.
