شىعىس قازاقستان وبلىسى شەمونايحا اۋدانىندا ايۋ اتقان براكونەر ۇستالدى, دەپ حابارلايدى "ۇلت اقپارات".
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, قازان ايىنىڭ باسىندا تابيعات قورعاۋ پوليتسيياسى شەمونايحا اۋدانى, بولشايا رەچكا اۋىلىنان سولتٷستٸككە قاراي 7 شاقىرىم جەردە جٷرگٸزٸلگەن رەيد بارىسىندا ايۋدىڭ ٶلەكسەسٸن تاپتى.
جەدەل-ٸزدەستٸرۋ شارالارى نەتيجەسٸندە سول اۋىلدىڭ 26 جاستاعى تۇرعىنى ۇستالعان. بەلگٸلٸ بولعانداي, ەر ادام تۇزاق ورناتىپ, تٸركەلمەگەن ەكٸ ۇڭعىلى مىلتىقپەن ايۋدى اتىپ العان. سودان كەيٸن جابايى اڭدى سويىپ, ەتٸن ٶزٸمەن بٸرگە الىپ كەتكەن.
«كٷدٸكتٸنٸڭ ٷيٸن تٸنتۋ كەزٸندە تٸركەلمەگەن ەكٸ ۇڭعىلى مىلتىق پەن وقتار, پىشاق, موتوتسيكل, ايۋ ەتٸ سالىنعان 50-دەن استام پوليەتيلەن پاكەت تەركٸلەندٸ. اتالعان فاكتٸ بويىنشا قازاقستان رەسپۋبليكاسى قىلمىستىق كودەكسٸنٸڭ 337-بابى 1 بٶلٸگٸمەن سوتقا دەيٸنگٸ تەرگەۋ باستالدى», - دەيدٸ شقو پوليتسييا دەپارتامەنتنٸڭ باستىعى ساعات مەديەۆ.
