Shyǵys Qazaqstan oblysynyń politsiia qyzmetkerleri aiazǵa qaramastan jolǵa shyqqan avtobýstan 37 adamdy evakýatsiialady, dep habarlaidy "Ult aqparat".
Óńirde aýa temperatýrasynyń kúrt tómendep ketkenine birneshe kún boldy. Qutqarýshylar men politseiler turǵyndarǵa alys saparǵa shyqpaýǵa keńes berýde. Alaida buǵan qulaq aspaǵan qoǵamdyq kólik júrgizýshisi «Óskemen-Aiagóz» baǵytynda jolǵa shyǵyp ketken. Osylaisha, 5 qańtarda saǵat 19.30 shamasynda «Almaty-Óskemen» tasjolynyń 778-shaqyrymynda tártip saqshylary «Setra» markaly kólikti toqtatty.
«Avtobýs júrgizýshisiniń aitýynsha, salonda 37 jolaýshy bolǵan. Olar oblystaǵy JShS-lardyń birinde vahtalyq ádispen jumys isteitin azamattar. Qaiǵyly jaǵdaidyń aldyn alý úshin politsiia qyzmetkerleri jolaýshylardy evakýatsiialap, Aiagózdegi qonaqúilerdiń birine ornalastyrdy», - dep habarlady ShQO Politsiia departamentiniń baspasóz qyzmetinen.
