شىعىس قازاقستان وبلىسىنىڭ پوليتسييا قىزمەتكەرلەرٸ ايازعا قاراماستان جولعا شىققان اۆتوبۋستان 37 ادامدى ەۆاكۋاتسييالادى, دەپ حابارلايدى "ۇلت اقپارات".
ٶڭٸردە اۋا تەمپەراتۋراسىنىڭ كٷرت تٶمەندەپ كەتكەنٸنە بٸرنەشە كٷن بولدى. قۇتقارۋشىلار مەن پوليتسەيلەر تۇرعىندارعا الىس ساپارعا شىقپاۋعا كەڭەس بەرۋدە. الايدا بۇعان قۇلاق اسپاعان قوعامدىق كٶلٸك جٷرگٸزۋشٸسٸ «ٶسكەمەن-اياگٶز» باعىتىندا جولعا شىعىپ كەتكەن. وسىلايشا, 5 قاڭتاردا ساعات 19.30 شاماسىندا «الماتى-ٶسكەمەن» تاسجولىنىڭ 778-شاقىرىمىندا تەرتٸپ ساقشىلارى «Setra» ماركالى كٶلٸكتٸ توقتاتتى.
«اۆتوبۋس جٷرگٸزۋشٸسٸنٸڭ ايتۋىنشا, سالوندا 37 جولاۋشى بولعان. ولار وبلىستاعى جشس-لاردىڭ بٸرٸندە ۆاحتالىق ەدٸسپەن جۇمىس ٸستەيتٸن ازاماتتار. قايعىلى جاعدايدىڭ الدىن الۋ ٷشٸن پوليتسييا قىزمەتكەرلەرٸ جولاۋشىلاردى ەۆاكۋاتسييالاپ, اياگٶزدەگٸ قوناقٷيلەردٸڭ بٸرٸنە ورنالاستىردى», - دەپ حابارلادى شقو پوليتسييا دەپارتامەنتٸنٸڭ باسپاسٶز قىزمەتٸنەن.
