ShQO-da alty ailyq balasyn óltirip alǵan er adam 10 jylǵa sottaldy, - dep habarlaidy "Ult aqparat" Polisia.kz saityna silteme jasap.
Sottalǵan M. qazir ShQO boiynsha QAJD OV-156/6 qaýipsizdigi joǵary túzeý mekemesinde jazasyn ótep jatyr. Er adam alty ailyq ulyn óltirgeni úshin 10 jylǵa bas bostandyǵynan aiyrylǵan.
Mihail (aty ózgertilgen) tek qana jórgekti aýystyrǵysy kelgen eken. Sol qaiǵyly oqiǵa bolǵan kúni ol azdap ishimdik ishken.
– Áielim úiden shyǵyp ketken edi, al 6 ailyq balam zalda jatyp, aiqailai bastady. Men ulymmen serýendeýge shyǵyp keldim, jolda ishimdik satyp alyp, úige qaittym. Balany sheshindire bastaǵanda, onyń bylǵanǵan jórgegin kórdim, jórgekti sheship, ulymdy jýýǵa as úige bardym. Oramaldar basqa bólmede ilinip turdy, jaqyn jerde bolmady. Bala meniń qolymda boldy, sodan keiin men basqa bólmeden oramal alyp, ony súrttim. As úiden shyǵyp bara jatqanda, dálizdegi linoleýmǵa shalynyp quladym. Bala meniń qolymnan ushyp, shkaf pen qabyrǵa arasyndaǵy buryshqa qulady. Men ony lezde kóterip alyp, zal bólmege bardym. Balanyń basy qabyrǵaǵa soǵylǵandai boldy, sodan keiin men ony divanǵa jatqyzdym. Kenetten ol dirildep, kógere bastady. Men qabyrǵany judyryǵymmen qatty urǵanym esimde, sol kezde ne isteý kerektigin bilmedim, uialy telefonym da bolmady. Men úiden júgirip shyǵyp, kórshilerge baryp, kómek suradym. Olardan balanyń jaǵdaiyn kórýin ótindim. Kórshi áiel balany kórip, jedel járdem shaqyrý kerektigin aitty. Men bári sonshalyqty aýyr dep oilamadym, masań kúide bolǵandyqtan, ne bolyp jatqanyn túsinbei, keiin esime túsire almadym. Mende qatty soqqy boldy, eshteńe esimde joq. Meniń jubaiym meni keshirmedi, árine, men ony túsinemin jáne munyń bárin áreń qabyldadym. Biraq men bul qylmysty qasaqana jasamadym, bul meniń ishimdik ishken kúiime bailanysty boldy, – dedi Mihail kóz jasyn súrte otyryp.
Mihaildiń aitýynsha, koloniiaǵa kelgennen keiingi alǵashqy kúnderde qiyn boldy, biraq mekeme psihologtary oǵan kómektesti, onymen psihokorrektsiialyq jumystar júrgizdi.
– Kórsetilgen kómek úshin psihologtar men qyzmetkerlerge óte rizamyn. Qazir men alkogolizmnen aiyqtym, bosatylǵannan keiin úige oralamyn. Jumys tabamyn, endi áielim meni keshirmeidi, biraq men jaqsylyqqa úmittenemin, – dedi Mihail.
