شقو-دا التى ايلىق بالاسىن ٶلتٸرٸپ العان ەر ادام 10 جىلعا سوتتالدى, - دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
سوتتالعان م. قازٸر شقو بويىنشا قاجد وۆ-156/6 قاۋٸپسٸزدٸگٸ جوعارى تٷزەۋ مەكەمەسٸندە جازاسىن ٶتەپ جاتىر. ەر ادام التى ايلىق ۇلىن ٶلتٸرگەنٸ ٷشٸن 10 جىلعا باس بوستاندىعىنان ايىرىلعان.
ميحايل (اتى ٶزگەرتٸلگەن) تەك قانا جٶرگەكتٸ اۋىستىرعىسى كەلگەن ەكەن. سول قايعىلى وقيعا بولعان كٷنٸ ول ازداپ ٸشٸمدٸك ٸشكەن.
– ەيەلٸم ٷيدەن شىعىپ كەتكەن ەدٸ, ال 6 ايلىق بالام زالدا جاتىپ, ايقايلاي باستادى. مەن ۇلىممەن سەرۋەندەۋگە شىعىپ كەلدٸم, جولدا ٸشٸمدٸك ساتىپ الىپ, ٷيگە قايتتىم. بالانى شەشٸندٸرە باستاعاندا, ونىڭ بىلعانعان جٶرگەگٸن كٶردٸم, جٶرگەكتٸ شەشٸپ, ۇلىمدى جۋۋعا اس ٷيگە باردىم. ورامالدار باسقا بٶلمەدە ٸلٸنٸپ تۇردى, جاقىن جەردە بولمادى. بالا مەنٸڭ قولىمدا بولدى, سودان كەيٸن مەن باسقا بٶلمەدەن ورامال الىپ, ونى سٷرتتٸم. اس ٷيدەن شىعىپ بارا جاتقاندا, دەلٸزدەگٸ لينولەۋمعا شالىنىپ قۇلادىم. بالا مەنٸڭ قولىمنان ۇشىپ, شكاف پەن قابىرعا اراسىنداعى بۇرىشقا قۇلادى. مەن ونى لەزدە كٶتەرٸپ الىپ, زال بٶلمەگە باردىم. بالانىڭ باسى قابىرعاعا سوعىلعانداي بولدى, سودان كەيٸن مەن ونى ديۆانعا جاتقىزدىم. كەنەتتەن ول دٸرٸلدەپ, كٶگەرە باستادى. مەن قابىرعانى جۇدىرىعىممەن قاتتى ۇرعانىم ەسٸمدە, سول كەزدە نە ٸستەۋ كەرەكتٸگٸن بٸلمەدٸم, ۇيالى تەلەفونىم دا بولمادى. مەن ٷيدەن جٷگٸرٸپ شىعىپ, كٶرشٸلەرگە بارىپ, كٶمەك سۇرادىم. ولاردان بالانىڭ جاعدايىن كٶرۋٸن ٶتٸندٸم. كٶرشٸ ەيەل بالانى كٶرٸپ, جەدەل جەردەم شاقىرۋ كەرەكتٸگٸن ايتتى. مەن بەرٸ سونشالىقتى اۋىر دەپ ويلامادىم, ماساڭ كٷيدە بولعاندىقتان, نە بولىپ جاتقانىن تٷسٸنبەي, كەيٸن ەسٸمە تٷسٸرە المادىم. مەندە قاتتى سوققى بولدى, ەشتەڭە ەسٸمدە جوق. مەنٸڭ جۇبايىم مەنٸ كەشٸرمەدٸ, ەرينە, مەن ونى تٷسٸنەمٸن جەنە مۇنىڭ بەرٸن ەرەڭ قابىلدادىم. بٸراق مەن بۇل قىلمىستى قاساقانا جاسامادىم, بۇل مەنٸڭ ٸشٸمدٸك ٸشكەن كٷيٸمە بايلانىستى بولدى, – دەدٸ ميحايل كٶز جاسىن سٷرتە وتىرىپ.
ميحايلدٸڭ ايتۋىنشا, كولونيياعا كەلگەننەن كەيٸنگٸ العاشقى كٷندەردە قيىن بولدى, بٸراق مەكەمە پسيحولوگتارى وعان كٶمەكتەستٸ, ونىمەن پسيحوكوررەكتسييالىق جۇمىستار جٷرگٸزدٸ.
– كٶرسەتٸلگەن كٶمەك ٷشٸن پسيحولوگتار مەن قىزمەتكەرلەرگە ٶتە ريزامىن. قازٸر مەن الكوگوليزمنەن ايىقتىم, بوساتىلعاننان كەيٸن ٷيگە ورالامىن. جۇمىس تابامىن, ەندٸ ەيەلٸم مەنٸ كەشٸرمەيدٸ, بٸراق مەن جاقسىلىققا ٷمٸتتەنەمٸن, – دەدٸ ميحايل.
