Қазақстан Тәуелсіздігіне 25 жыл

Petropavlda Ozon men Alibaba taýarlaryna arnalǵan iri logistikalyq ortalyq salynady

Petropavlda Ozon men Alibaba taýarlaryna arnalǵan iri logistikalyq ortalyq salynady
SQO ákimdigi

Petropavl qalasynda Ozon jáne Alibaba elektrondyq saýda alańdarynyń taýarlaryn saqtap, óńdep, taratýǵa arnalǵan KYZYLZHAR HUB halyqaralyq kólik-logistikalyq kesheni salynýy múmkin. Jobaǵa 29 mlrd teńgeden astam investitsiia tartý josparlanyp otyr. Bul týraly Soltústik Qazaqstan oblysynyń ákimdigi habarlady, dep habarlaidy ult.kz.

Jobany Birikken Arab Ámirlikterinen kelgen investorlar usynǵan. Oblys ákimi Ǵaýez Nurmuhambetov Royal Investment International kompaniiasynyń quryltaishysy Marat Salihovpen kezdesip, keshenniń qurylysy men óńirdiń logistikalyq áleýetin damytý máselelerin talqylady.

Bolashaq logistikalyq ortalyqtyń jalpy aýmaǵy 102 myń sharshy metr bolady. Munda iri onlain saýda platformalarynyń taýarlaryn qabyldaý, saqtaý, óńdeý jáne taratýǵa arnalǵan zamanaýi qoimalar salynady. Sonymen qatar júkterdi qaita tieý aimaqtary men keńse ǵimarattary qarastyrylǵan.

Keshende azyq-túlik ónimderi men halyq tutynatyn taýarlardy saqtaýǵa arnalǵan arnaiy qoimalar da bolady.

Jobany júzege asyrýǵa Soltústik Qazaqstan oblysynyń geografiialyq ornalasýy qolaily. Óńir arqyly Reseidi Qazaqstanmen jáne Ortalyq Aziia elderimen bailanystyratyn avtomobil jáne temirjol baǵyttary ótedi.

Osy maqsatta «Qyzyljar» arnaiy ekonomikalyq aimaǵynda kólik-logistikalyq nysandardy ornalastyrýǵa arnalǵan №8 qosalqy aimaq qurylǵan. Qazir ony damytý boiynsha bas jospar ázirlenip jatyr.

Ákimdik málimetinshe, KYZYLZHAR HUB jobasy óńirge investitsiia tartýǵa, jańa jumys oryndaryn ashýǵa jáne jergilikti kásiporyndardyń ónimderin ishki ári syrtqy naryqtarǵa jetkizý múmkindikterin keńeitýge jol ashady.