Shyǵys Qazaqstan oblysynda politsiia qyzmetkerleri 10 jyl boiy izdeýde júrgen qylmyskerdi Almaty qalasynda ustady, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, 2011 jyly 4 adam Óskemendegi saýda úileriniń birine shabýyl jasaǵan. Olar dúkennen 3,5 mln teńgesi bar seifti urlap ketken. Atalǵan qylmysqa qatysqandardyń úsheýi ustalyp, sottaldy. Alaida qaraqshylardyń biri osy ýaqytqa deiin bostandyqta júrgen.
«10 jyl ótkenine qaramastan kriminaldyq politsiia qyzmetkerleri kúdiktini izdestirý jumystaryn kúsheitti. Nátijesinde er adam Almaty qalasynda anyqtalyp, ustaldy», - dedi ShQO PD bastyǵy Saǵat Mádiev.
Qazirgi ýaqytta 44 jastaǵy azamat ýaqytsha ustaý izoliatoryna qamaýǵa alynǵan. Aldaǵy ýaqytta ol Óskemen qalasyna jetkiziletin bolady.
Aita keteiik, osy jyldyń birinshi toqsanynda tártip saqshylary izdeýde júrgen 46 qylmyskerdi qolǵa túsirdi.
