شىعىس قازاقستان وبلىسىندا پوليتسييا قىزمەتكەرلەرٸ 10 جىل بويى ٸزدەۋدە جٷرگەن قىلمىسكەردٸ الماتى قالاسىندا ۇستادى, دەپ حابارلايدى "ۇلت اقپارات".
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, 2011 جىلى 4 ادام ٶسكەمەندەگٸ ساۋدا ٷيلەرٸنٸڭ بٸرٸنە شابۋىل جاساعان. ولار دٷكەننەن 3,5 ملن تەڭگەسٸ بار سەيفتٸ ۇرلاپ كەتكەن. اتالعان قىلمىسقا قاتىسقانداردىڭ ٷشەۋٸ ۇستالىپ, سوتتالدى. الايدا قاراقشىلاردىڭ بٸرٸ وسى ۋاقىتقا دەيٸن بوستاندىقتا جٷرگەن.
«10 جىل ٶتكەنٸنە قاراماستان كريمينالدىق پوليتسييا قىزمەتكەرلەرٸ كٷدٸكتٸنٸ ٸزدەستٸرۋ جۇمىستارىن كٷشەيتتٸ. نەتيجەسٸندە ەر ادام الماتى قالاسىندا انىقتالىپ, ۇستالدى», - دەدٸ شقو پد باستىعى ساعات مەديەۆ.
قازٸرگٸ ۋاقىتتا 44 جاستاعى ازامات ۋاقىتشا ۇستاۋ يزولياتورىنا قاماۋعا الىنعان. الداعى ۋاقىتتا ول ٶسكەمەن قالاسىنا جەتكٸزٸلەتٸن بولادى.
ايتا كەتەيٸك, وسى جىلدىڭ بٸرٸنشٸ توقسانىندا تەرتٸپ ساقشىلارى ٸزدەۋدە جٷرگەن 46 قىلمىسكەردٸ قولعا تٷسٸردٸ.
