Foto: © Sputnik / Abzal Kaliev
Qazaqstanǵa shetelden qaitarylǵan aktivterdiń somasy 400 mlrd teńgeden asady. Bul týraly bas prokýrordyń orynbasary Áset Shyńdaliev málimdedi, dep habarlaidy Sputnik Qazaqstan.
"Jalpy shetelden qaitarylǵan aktivterdiń somasy 400 mlrd teńgeden asady. Olar - aqsha, múlik jáne taǵy basqa. Ázirge qai memleketterden qaitarylǵanyn naqty aita almaimyn", - dedi Shyńdaliev Májilis kýlýarynda.
Aita keteiik, Qazaqstan Úkimeti "Qaitarylǵan aktivterdi basqarý kompaniiasy" JShS-yn qurdy.
Kompaniianyń jarǵylyq kapitalyna 100 paiyz memleket qatysady. JShS-ny Qarjy ministrliginiń memlekettik múlik jáne jekeshelendirý komiteti basqarady.
Eske salaiyq, biyl Qazaqstanda "Zańsyz iemdengen aktivterdi memleketke qaitarý týraly" zań qabyldandy. Oǵan sáikes, zańsyz baiydy degen kúdikke ilingen jeke jáne zańdy tulǵalardyń reestri jasalady. Tizim jabyq bolady. Zań aiasynda aktivterdi basqarý kompaniiasy qurylady. Ol qaitarylǵan aktivterdi satýdan túsken qarajatty arnaiy memlekettik qorǵa aýdarady.
