Memleket basshysy Qasym-Jomart Toqaev quqyq júiesiniń baiaýlyǵyn synǵa aldy, dep habarlaidy QazAqparat.
«Norma shyǵarý máselelerin qaita qarastyrý qajet. Karantin kezinde quqyq júiesiniń baiaýlyǵy kóp kedergi keltirdi. Tótenshe jaǵdai rejimin engizip, tótenshe jarlyq qabyldaýǵa týra keldi. Biraq mundai sharalar krizistik jaǵdailarǵa júieli túrde jaýap bere almaidy. Negizgi másele – atqarýshy bilik qyzmetindegi shekten tys zańnamalyq reglamentteýde jatyr», - dedi Prezident Qazaqstan halqyna Joldaýynda.
Prezident ministrler men ákimderden talap etiletinin, biraq olardyń quzireti zańdar men qaýlylardyń egjei-tegjeili normalarymen shektelgenin atap ótti.
«Bul memlekettik apparattyń ǵana emes, Parlamenttiń de jumysyna júkteme bolady. Onyń palatalary detalizatsiialanǵan normalardy qarastyrýǵa májbúr bolady. Muny atqarýshy organdardyń quziretine berýge de bolar edi. Qazirgi ózgermeli álemde sheshim qabyldaýdyń baiaýlyǵy ulttyq qaýipsizdikke qater tóndiredi. Sondyqtan, quqyqtyq saiasat tujyrymdamasy aiasynda zańnamany ózgertý arqyly quqyqtyq reglamentteý deńgeileri arasynda balansty qamtamasyz etý kerek. Muny keshiktirýge bolmaidy», - dedi Q. Toqaev.
Aita keteiik, búgin Memleket basshysy Qasym-Jomart Toqaev Parlament palatalarynyń birlesken otyrysynda Qazaqstan halqyna jyl saiynǵy dástúrli Joldaýyn jariialaýda.
