مەملەكەت باسشىسى قاسىم-جومارت توقاەۆ قۇقىق جٷيەسٸنٸڭ باياۋلىعىن سىنعا الدى, دەپ حابارلايدى قازاقپارات.
«نورما شىعارۋ مەسەلەلەرٸن قايتا قاراستىرۋ قاجەت. كارانتين كەزٸندە قۇقىق جٷيەسٸنٸڭ باياۋلىعى كٶپ كەدەرگٸ كەلتٸردٸ. تٶتەنشە جاعداي رەجيمٸن ەنگٸزٸپ, تٶتەنشە جارلىق قابىلداۋعا تۋرا كەلدٸ. بٸراق مۇنداي شارالار كريزيستٸك جاعدايلارعا جٷيەلٸ تٷردە جاۋاپ بەرە المايدى. نەگٸزگٸ مەسەلە – اتقارۋشى بيلٸك قىزمەتٸندەگٸ شەكتەن تىس زاڭنامالىق رەگلامەنتتەۋدە جاتىر», - دەدٸ پرەزيدەنت قازاقستان حالقىنا جولداۋىندا.
پرەزيدەنت مينيسترلەر مەن ەكٸمدەردەن تالاپ ەتٸلەتٸنٸن, بٸراق ولاردىڭ قۇزٸرەتٸ زاڭدار مەن قاۋلىلاردىڭ ەگجەي-تەگجەيلٸ نورمالارىمەن شەكتەلگەنٸن اتاپ ٶتتٸ.
«بۇل مەملەكەتتٸك اپپاراتتىڭ عانا ەمەس, پارلامەنتتٸڭ دە جۇمىسىنا جٷكتەمە بولادى. ونىڭ پالاتالارى دەتاليزاتسييالانعان نورمالاردى قاراستىرۋعا مەجبٷر بولادى. مۇنى اتقارۋشى ورگانداردىڭ قۇزٸرەتٸنە بەرۋگە دە بولار ەدٸ. قازٸرگٸ ٶزگەرمەلٸ ەلەمدە شەشٸم قابىلداۋدىڭ باياۋلىعى ۇلتتىق قاۋٸپسٸزدٸككە قاتەر تٶندٸرەدٸ. سوندىقتان, قۇقىقتىق ساياسات تۇجىرىمداماسى اياسىندا زاڭنامانى ٶزگەرتۋ ارقىلى قۇقىقتىق رەگلامەنتتەۋ دەڭگەيلەرٸ اراسىندا بالانستى قامتاماسىز ەتۋ كەرەك. مۇنى كەشٸكتٸرۋگە بولمايدى», - دەدٸ ق. توقاەۆ.
ايتا كەتەيٸك, بٷگٸن مەملەكەت باسشىسى قاسىم-جومارت توقاەۆ پارلامەنت پالاتالارىنىڭ بٸرلەسكەن وتىرىسىندا قازاقستان حالقىنا جىل سايىنعى دەستٷرلٸ جولداۋىن جارييالاۋدا.
