Tergeý Sheremetevo áýejaiyndaǵy «Aeroflot» áýe kompaniiasynya tiesili Sukhoi Superjet ushaǵynyń apatqa ushyraýyna ekipaj komandiri Denis Evdokimov kináli degen uiǵarym jasady, – dep habarlaidy TASS agenttigi.
RF Tergeý komiteti tóraǵasynyń orynbasary Igor Krasnov «Kommersant» gazetine bergen suhbatynda jerdegi qyzmetke ári qarai tergeý júrgizilmeitinin habarlady.
«Bizde bul qaiǵyly jaǵdaidyń naqty sebebi kórsetilgen sarapshylar qorytyndysy bar. Biz áýe kompaniiasy men ushqyshtyń dálelin tekserdik. Bul apatqa ushaq kináli emes, sebebi tek SSJ-men ǵana emes, Boeing jáne Airbus-pen jáne basqa da ushaqtarmen bulai qonýǵa bolmaidy», - dedi ol.
Krasnov Evdokimovke áýe kóligin paidalaný erejelerin buzdy degen aiyp taǵylǵanyn eskertti. Qazir ol advokatymen birge is materialdarymen tanysyp jatyr. Krasnovtyń aitýynsha, Evdokimovtyń túrli úlgidegi ushaqtardy basqarýda aitarlyqtai tájiribesi bar jáne arnaiy daiyndyqtan ótken.
«Soǵan qaramastan, bizdiń qyzmetkerlerimiz anyqtaǵandai, ol áýe kemesiniń paidalaný shekteýinen asyp ketetindei aýyr júk tiegen», - dedi TK tóraǵasynyń orynbasary.
Ol jyldamdyqtyń joǵary bolýynan jáne vertikaldy salmaqtyń normadan asyp ketýi saldarynan jolaqqa tym qatty qonǵan. SSJ ushý-qoný jolaǵynan shassidiń negizgi tiregi synǵanǵa deiin úsh ret sekirgen. Sonyń saldarynan ushaqtyń janarmaiy tógilip, tutanǵan. Evdokimovtiń advokaty Natalia Mitýsova onyń óz kinásin moiyndamaitynyn málim etti. Oǵan eshqaida ketpeý týraly tilhat berilgen.
Eske sala keteiik, ótken jyldyń 5 mamyrynda Sheremetevo áýejaiyna qonǵan ushaq órtenip ketken bolatyn. Bortta bolǵan 78 adamnyń 41-i apatta qaza tapty.
