تەرگەۋ شەرەمەتەۆو ەۋەجايىنداعى «اەروفلوت» ەۋە كومپانيياسىنىا تيەسٸلٸ Sukhoi Superjet ۇشاعىنىڭ اپاتقا ۇشىراۋىنا ەكيپاج كومانديرٸ دەنيس ەۆدوكيموۆ كٸنەلٸ دەگەن ۇيعارىم جاسادى, – دەپ حابارلايدى تاسس اگەنتتٸگٸ.
رف تەرگەۋ كوميتەتٸ تٶراعاسىنىڭ ورىنباسارى يگور كراسنوۆ «كوممەرسانت» گازەتٸنە بەرگەن سۇحباتىندا جەردەگٸ قىزمەتكە ەرٸ قاراي تەرگەۋ جٷرگٸزٸلمەيتٸنٸن حابارلادى.
«بٸزدە بۇل قايعىلى جاعدايدىڭ ناقتى سەبەبٸ كٶرسەتٸلگەن ساراپشىلار قورىتىندىسى بار. بٸز ەۋە كومپانيياسى مەن ۇشقىشتىڭ دەلەلٸن تەكسەردٸك. بۇل اپاتقا ۇشاق كٸنەلٸ ەمەس, سەبەبٸ تەك SSJ-مەن عانا ەمەس, Boeing جەنە Airbus-پەن جەنە باسقا دا ۇشاقتارمەن بۇلاي قونۋعا بولمايدى», - دەدٸ ول.
كراسنوۆ ەۆدوكيموۆكە ەۋە كٶلٸگٸن پايدالانۋ ەرەجەلەرٸن بۇزدى دەگەن ايىپ تاعىلعانىن ەسكەرتتٸ. قازٸر ول ادۆوكاتىمەن بٸرگە ٸس ماتەريالدارىمەن تانىسىپ جاتىر. كراسنوۆتىڭ ايتۋىنشا, ەۆدوكيموۆتىڭ تٷرلٸ ٷلگٸدەگٸ ۇشاقتاردى باسقارۋدا ايتارلىقتاي تەجٸريبەسٸ بار جەنە ارنايى دايىندىقتان ٶتكەن.
«سوعان قاراماستان, بٸزدٸڭ قىزمەتكەرلەرٸمٸز انىقتاعانداي, ول ەۋە كەمەسٸنٸڭ پايدالانۋ شەكتەۋٸنەن اسىپ كەتەتٸندەي اۋىر جٷك تيەگەن», - دەدٸ تك تٶراعاسىنىڭ ورىنباسارى.
ول جىلدامدىقتىڭ جوعارى بولۋىنان جەنە ۆەرتيكالدى سالماقتىڭ نورمادان اسىپ كەتۋٸ سالدارىنان جولاققا تىم قاتتى قونعان. SSJ ۇشۋ-قونۋ جولاعىنان شاسسيدٸڭ نەگٸزگٸ تٸرەگٸ سىنعانعا دەيٸن ٷش رەت سەكٸرگەن. سونىڭ سالدارىنان ۇشاقتىڭ جانارمايى تٶگٸلٸپ, تۇتانعان. ەۆدوكيموۆتٸڭ ادۆوكاتى ناتاليا ميتۋسوۆا ونىڭ ٶز كٸنەسٸن مويىندامايتىنىن مەلٸم ەتتٸ. وعان ەشقايدا كەتپەۋ تۋرالى تٸلحات بەرٸلگەن.
ەسكە سالا كەتەيٸك, ٶتكەن جىلدىڭ 5 مامىرىندا شەرەمەتەۆو ەۋەجايىنا قونعان ۇشاق ٶرتەنٸپ كەتكەن بولاتىن. بورتتا بولعان 78 ادامنىڭ 41-ٸ اپاتتا قازا تاپتى.
