Shekarashy sýǵa batyp bara jatqan júkti áiel men onyń 5 jasar balasyn qutqaryp qaldy, dep habarlaidy "Ult aqparat" Ulttyq qaýipsizdik komitetiniń shekara qyzmetine silteme jasap.
Petropavl shekara jasaǵyna qarasty «Bidaiyq» ótkizý bólimshesiniń áskeri qyzmetshisi Sergei Gaidai demalý úshin Sh. Ýálihanov aýdanynyń Bidaiyq aýylyndaǵy kól jaǵasyna barady.
«Shekarashy avtokóligindegi tósenishti alyp shyǵyp, qaǵyp-silkip jatqanda kópir jaqtan balanyń ashy aiǵaiyn qulaǵy shalady. Jalt qaraǵan ol kópirde ersili-qarsyly júgirip júrgen eki kishkentai qyzdy kóredi. Al kópir astynda áiel adam sýdan bir batyp, bir shyǵyp jantalasyp júr eken. Sergei oilanbastan sýǵa súńgip ketedi. Júzip janyna barǵanda áiel kishkentai balasynyń sýǵa batyp ketkenin aitady. Sergei sý astyna súńgip, kóldiń tabanyn qolymen sipalap júrip balany tabady da, kiiminen tartyp, sý betine alyp shyǵady. Ana men balany jaǵaǵa jetkizgen Sergei es-tússiz jatqan 5 jasar Nurádilge alǵashqy meditsinalyq kómek kórsetken. Sodan keiin ǵana bala esin jidy» delingen habarlamada.
Keiin belgili bolǵandai, ol eki adamnyń emes, úsh adamnyń ómirin qutqarǵan. Sebebi, qutqarylǵan áiel Mahabbat Jetpisovanyń aiaǵy aýyr bolyp shyqty. Sergei ana men balany avtokóligine otyrǵyzyp, meditsinalyq beketke alyp barǵan.
