شەكاراشى سۋعا باتىپ بارا جاتقان جٷكتٸ ەيەل مەن ونىڭ 5 جاسار بالاسىن قۇتقارىپ قالدى, دەپ حابارلايدى "ۇلت اقپارات" ۇلتتىق قاۋٸپسٸزدٸك كوميتەتٸنٸڭ شەكارا قىزمەتٸنە سٸلتەمە جاساپ.
پەتروپاۆل شەكارا جاساعىنا قاراستى «بيدايىق» ٶتكٸزۋ بٶلٸمشەسٸنٸڭ ەسكەري قىزمەتشٸسٸ سەرگەي گايداي دەمالۋ ٷشٸن ش. ۋەليحانوۆ اۋدانىنىڭ بيدايىق اۋىلىنداعى كٶل جاعاسىنا بارادى.
«شەكاراشى اۆتوكٶلٸگٸندەگٸ تٶسەنٸشتٸ الىپ شىعىپ, قاعىپ-سٸلكٸپ جاتقاندا كٶپٸر جاقتان بالانىڭ اششى ايعايىن قۇلاعى شالادى. جالت قاراعان ول كٶپٸردە ەرسٸلٸ-قارسىلى جٷگٸرٸپ جٷرگەن ەكٸ كٸشكەنتاي قىزدى كٶرەدٸ. ال كٶپٸر استىندا ەيەل ادام سۋدان بٸر باتىپ, بٸر شىعىپ جانتالاسىپ جٷر ەكەن. سەرگەي ويلانباستان سۋعا سٷڭگٸپ كەتەدٸ. جٷزٸپ جانىنا بارعاندا ەيەل كٸشكەنتاي بالاسىنىڭ سۋعا باتىپ كەتكەنٸن ايتادى. سەرگەي سۋ استىنا سٷڭگٸپ, كٶلدٸڭ تابانىن قولىمەن سيپالاپ جٷرٸپ بالانى تابادى دا, كيٸمٸنەن تارتىپ, سۋ بەتٸنە الىپ شىعادى. انا مەن بالانى جاعاعا جەتكٸزگەن سەرگەي ەس-تٷسسٸز جاتقان 5 جاسار نۇرەدٸلگە العاشقى مەديتسينالىق كٶمەك كٶرسەتكەن. سودان كەيٸن عانا بالا ەسٸن جيدى» دەلٸنگەن حابارلامادا.
كەيٸن بەلگٸلٸ بولعانداي, ول ەكٸ ادامنىڭ ەمەس, ٷش ادامنىڭ ٶمٸرٸن قۇتقارعان. سەبەبٸ, قۇتقارىلعان ەيەل ماحاببات جەتپٸسوۆانىڭ اياعى اۋىر بولىپ شىقتى. سەرگەي انا مەن بالانى اۆتوكٶلٸگٸنە وتىرعىزىپ, مەديتسينالىق بەكەتكە الىپ بارعان.
