Shaibaly hokkeiden Qazaqstan quramasy Álem chempionatynyń elitalyq diviziony plei-off kezeńine shyǵa alǵan joq, dep habarlaidy "Ult aqparat".
Eske salsaq, biylǵy týrnirde qazaqstandyq hokkeishiler tórt márte jeńiske jetip, úsh kezdesýde qarsylastaryna ese jiberip qoidy. Nátijesinde jeti oiynnan keiin 10 upai jinap, týrnir kestesinde 3-orynǵa jaiǵasty. Keshe Norvegiiany jeńgen jaǵdaida Qazaqstan quramasy óz tarihynda tuńǵysh ret plei-off kezeńine joldama alatyn edi. Ókinishtisi, atalǵan qarsylasyna qazaqstandyq hokkeishiler 1:3 esebimen jol berdi.
Soǵan qaramastan, búgin Finliandiia men Kanada quramalary arasyndaǵy kezdesýde finliandiialyq hokkeishiler negizgi kezeńde basym tússe, qazaqstandyqtar jarysty jalǵastyrý múmkindigine ie bolar edi. Alaida, Finliandiia Kanadany býlliten 3:2 esebimen jeńdi. Osylaisha kanadalyqtar atalǵan oiynda 1 upai alyp týrnir kestesinde Qazaqstan quramasyn artqa tastap ketti.
Aita keteiik, qazaqstandyq hokkeishiler buǵan deiin plei-off kezeńine shyqqan emes. Biyl sondai jetistikke jaqyn turdy.
