شايبالى حوككەيدەن قازاقستان قۇراماسى ەلەم چەمپيوناتىنىڭ ەليتالىق ديۆيزيونى پلەي-وفف كەزەڭٸنە شىعا العان جوق, دەپ حابارلايدى "ۇلت اقپارات".
ەسكە سالساق, بيىلعى تۋرنيردە قازاقستاندىق حوككەيشٸلەر تٶرت مەرتە جەڭٸسكە جەتٸپ, ٷش كەزدەسۋدە قارسىلاستارىنا ەسە جٸبەرٸپ قويدى. نەتيجەسٸندە جەتٸ ويىننان كەيٸن 10 ۇپاي جيناپ, تۋرنير كەستەسٸندە 3-ورىنعا جايعاستى. كەشە نورۆەگييانى جەڭگەن جاعدايدا قازاقستان قۇراماسى ٶز تاريحىندا تۇڭعىش رەت پلەي-وفف كەزەڭٸنە جولداما الاتىن ەدٸ. ٶكٸنٸشتٸسٸ, اتالعان قارسىلاسىنا قازاقستاندىق حوككەيشٸلەر 1:3 ەسەبٸمەن جول بەردٸ.
سوعان قاراماستان, بٷگٸن فينلياندييا مەن كانادا قۇرامالارى اراسىنداعى كەزدەسۋدە فينلياندييالىق حوككەيشٸلەر نەگٸزگٸ كەزەڭدە باسىم تٷسسە, قازاقستاندىقتار جارىستى جالعاستىرۋ مٷمكٸندٸگٸنە يە بولار ەدٸ. الايدا, فينلياندييا كانادانى بۋلليتەن 3:2 ەسەبٸمەن جەڭدٸ. وسىلايشا كانادالىقتار اتالعان ويىندا 1 ۇپاي الىپ تۋرنير كەستەسٸندە قازاقستان قۇراماسىن ارتقا تاستاپ كەتتٸ.
ايتا كەتەيٸك, قازاقستاندىق حوككەيشٸلەر بۇعان دەيٸن پلەي-وفف كەزەڭٸنە شىققان ەمەس. بيىل سونداي جەتٸستٸككە جاقىن تۇردى.
