Shaibaly hokkeiden 2021 jylǵy álem chempionatynyń elitalyq divizionynda búgin, 28 mamyrda Qazaqstan quramasy Kanadamen kezdesti, dep habarlaidy "Ult aqparat".
Eki qurama buǵan deiin atalǵan týrnirde eki márte kezdesti. Onyń ekeýinde qanadalyq hokkeishiler jeńiske jetti. Degenmen, búgin qazaqstandyq hokkeishiler soǵan ózgeris engizýge jaqyn boldy.
Aldymen esepti kanadalyq hokkeishiler ashty. Oiynnyń 6-minýtynda kanadalyq Endriý Mandjapane esep ashsa, 21-minýtta Oýen Paýer esepti ústemelei tústi.
Al qazaqstandyq Nikita Mihailis 24, 41-minýttarda mergendik tanytyp, tarazy basyn teńestirdi.
Odan keiin kanadalyq hokkeishiler quramynan Koýl Perfetti 47, Konnor Braýn 59-minýttarda gol soǵyp, qorytyndy esepti belgiledi.
Osylaisha Qazaqstan quramasy qarsylasyna 2:4 esebimen ese jiberdi.
Eske salsaq, Qazaqstan quramasy biylǵy týrnirde buǵan deiin tórt kezdesý ótkizip, úsheýinde jeńiske jetti.
Aldymen býllitten Latviiadan 2:1, Finliandiiadan 3:2 esebimen basym tússe, odan keiin AQSh-qa 0:3 esebimen ese jiberdi. Tórtinshi kezdesýde Germaniiany 3:2 esebimen tize búktirdi.
Qazaqstan quramasy endi erteń, 29 mamyrda Italiiamen kezdesse, 31 mamyrda Norvegiiamen sheberlik baiqasady.
