شايبالى حوككەيدەن 2021 جىلعى ەلەم چەمپيوناتىنىڭ ەليتالىق ديۆيزيونىندا بٷگٸن, 28 مامىردا قازاقستان قۇراماسى كانادامەن كەزدەستٸ, دەپ حابارلايدى "ۇلت اقپارات".
ەكٸ قۇراما بۇعان دەيٸن اتالعان تۋرنيردە ەكٸ مەرتە كەزدەستٸ. ونىڭ ەكەۋٸندە قانادالىق حوككەيشٸلەر جەڭٸسكە جەتتٸ. دەگەنمەن, بٷگٸن قازاقستاندىق حوككەيشٸلەر سوعان ٶزگەرٸس ەنگٸزۋگە جاقىن بولدى.
الدىمەن ەسەپتٸ كانادالىق حوككەيشٸلەر اشتى. ويىننىڭ 6-مينۋتىندا كانادالىق ەندريۋ ماندجاپانە ەسەپ اشسا, 21-مينۋتتا وۋەن پاۋەر ەسەپتٸ ٷستەمەلەي تٷستٸ.
ال قازاقستاندىق نيكيتا ميحايليس 24, 41-مينۋتتاردا مەرگەندٸك تانىتىپ, تارازى باسىن تەڭەستٸردٸ.
ودان كەيٸن كانادالىق حوككەيشٸلەر قۇرامىنان كوۋل پەرفەتتي 47, كوننور براۋن 59-مينۋتتاردا گول سوعىپ, قورىتىندى ەسەپتٸ بەلگٸلەدٸ.
وسىلايشا قازاقستان قۇراماسى قارسىلاسىنا 2:4 ەسەبٸمەن ەسە جٸبەردٸ.
ەسكە سالساق, قازاقستان قۇراماسى بيىلعى تۋرنيردە بۇعان دەيٸن تٶرت كەزدەسۋ ٶتكٸزٸپ, ٷشەۋٸندە جەڭٸسكە جەتتٸ.
الدىمەن بۋلليتتەن لاتۆييادان 2:1, فينلياندييادان 3:2 ەسەبٸمەن باسىم تٷسسە, ودان كەيٸن اقش-قا 0:3 ەسەبٸمەن ەسە جٸبەردٸ. تٶرتٸنشٸ كەزدەسۋدە گەرمانييانى 3:2 ەسەبٸمەن تٸزە بٷكتٸردٸ.
قازاقستان قۇراماسى ەندٸ ەرتەڭ, 29 مامىردا يتالييامەن كەزدەسسە, 31 مامىردا نورۆەگييامەن شەبەرلٸك بايقاسادى.
